Алімпійская чэмпіёнка Ганна Гуськова штодня праводзіць у сацсетках па пяць гадзін
У фрыстайлісткі, што выйграла Алімпіяду ў 2018 годзе і заваявала срэбра на Зімовых Алімпійскіх гульнях у 2022 годзе, у інстаграме 12 тысяч падпісчыкаў. Як яна камунікуе з імі, Ганна расказала ў інтэрв'ю для Onliner.by.
«Калі ёсць час, гляджу рылсы, трэнды, публікую допісы — паказваю і сваё жыццё, і спорт. Можам нават паглядзець статыстыку… (праходзіць крыху часу). У сярэднім каля пяці гадзін у дзень.
— Нічога сабе!
— Не разумею, адкуль такая лічба. Магчыма, таму што манцірую і публікую відэа — я ўсё раблю сама.
— Фанаты ніколі не абрывалі твой Instagram?
— Былі такія, хто пісаў пастаянна — быццам дзённік вялі. Але я іх хутка блакавала, бо надакучвалі. Калі ж людзі паводзяць сябе адэкватна і не выходзяць за межы, я заўсёды адказваю. Гэта нескладана. На шчасце, у асноўным трапляюцца нармальныя людзі, без дзічы. Дарэчы, нядаўна ў мяне спыталі: «А табе пішуць негатыўныя каментарыі?» Я адказала: «Нават калі пішуць, навошта мне іх чытаць?» Навошта засмучацца з-за меркавання чалавека, які ў фрыстайле не разбіраецца? Ды і даказваць камусьці нешта я не збіраюся.
— Ці дапамагаюць сацсеткі пераключыць увагу?
— Не ведаю. Калі верыць Instagram, ва ўсіх ідэальнае жыццё. А потым сустракаеш чалавека — і ў яго ўсё наадварот. Сацсеткі не заўсёды дапамагаюць расслабіцца. Лепш паслухаць цікавы падкаст або памедытаваць — гэта куды больш карысна, чым гартаць рылсы, — дадала яна.
На Алімпіядзе-2026 Ганна заняла восьмае месца, але плануе выступаць і далей.
«Я хачу добра адкатаць наступныя сезоны, вярнуцца на Алімпіяду і зрабіць усё дзеля медаля. Паўтаруся, у мяне незакрыты гештальт. У мяне няма пытанняў ні да сябе, ні да трэнераў — мы ўсё зрабілі так, як трэба. Але мне проста не далі магчымасці пазмагацца [за ўзнагароды], і гэта мяне не задавальняе. Перагортваем старонку і працуем далей», — кажа дзяўчына.
Цяпер чытаюць
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»32
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары