Аналітык Сяргей Чалы не прадбачыць нейкай падзеі, якая б радыкальна змяніла трэнды ў 2026 годзе.
Эканамічны застой можа працягвацца доўга, разважае ён на «Белсаце». Але ў наступным годзе, мяркуе Чалы, можа даспець трэнд з пытаннем нават апалітычных беларусаў: «Дзеля чаго я гэта трываю?»
«Галоўныя палітычныя змены адбываюцца не ў момант, калі ўсё кепска, а калі надзея на тое, што і далей будзе добра, змяняецца адчуваннем, што не, далей так не будзе, а наадварот, будзе горш», — кажа Чалы.
Вайна ва Украіне, прадчувае Чалы, неяк скончыцца — ці кепска, ці не вельмі кепска. Але для Беларусі адзіным добрым сцэнаром сканчэння гэтай вайны ён бачыць толькі поўную і безумоўную капітуляцыю Расеі. Калі вайна скончыцца на ўмовах, блізкіх да патрабаванняў Расеі, Лукашэнка застанецца сам-насам з Уладзімірам Пуціным: не будзе нічога, што можна «прадаць» Злучаным Штатам, не будзе пра што размаўляць з еўрапейскімі суседзямі, а будзе пагроза пашырэння вайны на краіны NATO.
Палітычны рэжым Беларусі — гэта не проста «дыктатура на штыках», лічыць ён. Лукашэнка баіцца любога абурэння, якое можа здарыцца нават праз маршруткі. А яно абавязкова ўзнікне праз штосьці — і інструментаў яго згасіць няшмат. Хутчэй за ўсё, прагназуе Чалы, будуць пераходзіць да сапраўднай дыктатуры, у якой «добра зафіксаваны пацыент не мае патрэбы ў анестэзіі».
Цяпер чытаюць
Ціханоўскі адказаў Ціханоўскай: Чамусьці не згадваецца, што рэабілітацыя сына адбывалася ў кватэрах і дамах, якія я купіў97
Каментары
[Зрэдагавана]
Прагнозы іх не спрау́джваюцца на 99%, як і вада ад Алана Чумака зараджаная шляхам 3 літровага слоіка перад ТВ