«Нават сабака баіцца». У Оршы вырасла гара смецця, але яе ніхто не прыбірае
Смецце ляжыць ужо некалькі дзён. Але камунальнікі пакуль да яго не дабраліся.
Жыхар Оршы 6 студзеня выйшаў пагуляць з сабакам і натрапіў на непрыемную карціну. На дварэ ўтварылася сапраўдная гара смецця.
Не прыбіралі адходы, відаць, ужо некалькі дзён. А то і з Новага года.
«Нашэсце смецця. Гэта нейкі вэрхал. Ужо ляжыць, напэўна, дзень трэці ці чацвёрты. А можа, нават і пяты. Таму што я памятаю, перад Новым годам насыпалі ўсё, вырашылі рэзка пазбавіцца ад смецця ў адзін момант з усіх пад’ездаў, з усіх двароў. Ну вось так ляжыць. Сабака нават баіцца побач праходзіць», — распавёў аршанец.
Паводле яго слоў, такая гара смецця вырасла ў раёне ільнозавода. Але ў каментарах пачалася пераклічка жыхароў іншых двароў. Аказалася, смецце не прыбіраюць па ўсім горадзе.
«Па Оршы і Аршанскім раёне такая лухта ўжо даўно, і мер ніхто не прымае».
«Першы мікрараён — яшчэ горш, зняла відэа для «Времечка». З 29‑га не прыбіралі, кантэйнеры забіралі, а лішняе смецце не падмяталі».
«У Аршанскім раёне тое самае!»
«2 тыдні прыватны сектар, Заходняя — без вывазу».
«На Салянікава, 8 яшчэ больш і вышэй».
Праўда, адзначыліся і шчасліўчыкі: у кагосьці навагодняе смецце ўсё ж такі вывезлі пару дзён таму.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта10
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары