12‑гадовыя школьніцы з Мінска перадалі махлярам 50 тысяч бацькоўскіх грошай
Дзяўчынкі ў інтэрнэце пазнаёміліся нібыта з аднагодкамі і неўзабаве ім даслалі геалакацыю для сустрэчы.
Затым з імі звязаліся невядомыя і паведамілі, што іх персанальныя даныя трапілі ў рукі злачынцаў, а сем’і знаходзяцца ў небяспецы, паведамляе прэс-служба МУС.
Пасля гэтага пачалі паступаць паведамленні нібыта ад следчага, які пагражаў арыштам бацькоў. Каб гэтага пазбегнуць, адна з пацярпелых сабрала зберажэнні сваёй сям’і, забрала грошы ў другой дзяўчынкі і перадала незнаёмцу каля 50 тыс. рублёў.
Аператыўнікі затрымалі кур’ера — 29‑гадовага жыхара суседняй краіны, які прыбыў у Мінск для выканання заданняў куратара.
Грошы ён перадаў пасярэдніку і накіраваўся на вакзал, дзе быў затрыманы супрацоўнікамі міліцыі.
Распачата крымінальная справа за махлярства.
Цяпер чытаюць
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г4
Каментары
Літвы, Польшчы, Латвіі, Украіны?...)