Супрацоўнікі крымінальнага вышуку мінскай міліцыі перахапілі кур’ера тэлефонных махляроў, які забраў грошы ў пажылой пары і мусіў вывезці іх за мяжу.
21‑гадовы мінскі студэнт сам стаў ахвярай падману паводле схемы «замена дамафона».
Каб нібыта пазбегнуць крымінальнай адказнасці і атрымаць добрую характарыстыку, хлопцу параілі дапамагаць такім жа падманутым людзям.
Махляры пачалі выкарыстоўваць яго як кур’ера. Так, ён прыехаў да сям’і пенсіянераў, якія паверылі злачынцам, напісалі распіскі аб неразгалошванні інфармацыі, а затым на кодавае слова «кветка» перадалі «для дэкларавання» 11 тысяч даляраў.
Міліцыянеры затрымалі кур’ера да таго, як ён паспеў на заданне куратара вывезці грошы за мяжу. Сродкі будуць вернуты падманутым пенсіянерам.
Распачата крымінальная справа паводле факту махлярства.
У міліцыі нагадалі: у Беларусі не існуе такой паслугі, як дэклараванне грошай з дапамогай кур’ера. «Калі падчас тэлефоннага званка ад вас патрабуюць перадаць грошы ў Нацыянальны банк, вывезці іх за мяжу або схаваць у тайным месцы, не выконвайце гэтыя ўказанні, пакладзіце слухаўку і неадкладна патэлефануйце ў міліцыю па нумары 102», — падкрэсліў намеснік начальніка УКВ ГУУС Мінгарвыканкама Віталій Сарока.
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары