Брытанская анлайн-платформа OnlyFans вядзе перамовы пра продаж кантрольнага пакета акцый інвестыцыйнай кампаніі Architect Capital са Сан-Францыска. Магчымая здзелка можа закрануць каля 60% акцый сэрвісу і прывесці да змены кантролю над бізнэсам, паведамляе Reuters са спасылкай на абазнаныя крыніцы.
З інфармацыі агенцтва, OnlyFans ацэньваецца прыкладна на 3,5 мільярда даляраў, а з улікам доўгу кошт кампаніі можа дасягаць 5,5 мільярда. Architect Capital разглядае набыццё каля 60% акцый, што дасць інвестару ключавы ўплыў на стратэгію развіцця платформы. Кампанія спецыялізуецца на кіраванні актывамі і фінансаванні тэхналагічных і лічбавых праектаў.
На гэты момант перамовы яшчэ працягваюцца: бакі абмяркоўваюць ацэнку, аб’ём завінавачанасці і ўмовы ўваходу новага інвестара ў капітал OnlyFans.
Раней, у маі мінулага года, Reuters паведамляў, што OnlyFans маглі прадаць кансорцыуму інвестараў пад кіраўніцтвам амерыканскай Forest Road, пры гэтым ацэнка кампаніі складала 8 мільярдаў даляраў. Таксама разглядаліся і іншыя пакупнікі.
Architect Capital плануе развіваць OnlyFans для аплаты стваральнікаў эратычнага кантэнту без банкаўскага доступу і разлічвае выйсці на IPO ў 2028 годзе. Прыбытак платформы — каля $1,6 мільярдаў за год. Адзіны яе акцыянер — 44‑гадовы амерыканец украінскага паходжання Леанід Радвінскі, які купіў кампанію ў 2018‑м і за тры гады атрымаў звыш $1 мільярда дывідэндаў.
18‑гадовая блогерка зарабіла ў OnlyFans мільён даляраў за гадзіну
У Швецыі анлайн-сэкс прыраўнялі да прастытуцыі: карыстальнікам OnlyFans пагражае турма
Як за беларускімі апазіцыянерамі шпіёніла мадэль Онліфанс
75‑гадовы нямецкі палітык зняўся з выбараў праз любоў да мадэляў з OnlyFans
Мадэлі OnlyFans пачалі ва Украіне плаціць падаткі і ваенны збор. Колькі ўдалося сабраць?
Цяпер чытаюць
Калеснікава: Лукашэнка можа пайсці на спыненне рэпрэсій дзеля будучыні і «з нейкай мудрасці»27
Каментары