Лукашэнка патлумачыў, чаму раптоўная праверка Узброеных сіл праводзілася без Генштаба і Мінабароны
Аляксандр Лукашэнка сёння растлумачыў, чаму нядаўняя нечаканая праверка гатоўнасці Узброеных сіл была абвешчана непасрэдна, без папярэдняга інфармавання Генштаба і міністра абароны.
Фота: Alexander Kazakov, Sputnik, Kremlin Pool Photo via AP
Аляксандр Лукашэнка адзначыў, што пасля абвяшчэння праверкі Узброеных сіл пачалі з’яўляцца распаўсюджванні ад «збеглых» (так улады называюць апанентаў за мяжой — НН): «Ой, не давярае міністру абароны, не давярае Генштабу».
«Я ўсім давяраю. Але гэта — раптоўная праверка, якую праводзіць Галоўнакамандуючы. І я хачу паглядзець, як у гэтай раптоўнай праверцы будуць дзейнічаць Генштаб і Міністэрства абароны», — сказаў ён.
Маўляў, у гэтым і заключаецца істотнае адрозненне раптоўнай праверкі ад любых іншых, якія таксама праводзяцца ва Узброеных сілах.
Каментары
І наколькі ж жудасна "80-працэнтны" зацыклены на гэтай "жменьцы" "збеглых"! Здаецца, спаць з імі кожны вечар кладзецца і раніцай з імі ўстае.