Віцэ-прэзідэнт ЗША Джэй Дзі Вэнс і прэзідэнт Азербайджана Ільхам Аліеў падпісалі Хартыю аб стратэгічным партнёрстве паміж дзвюма краінамі. Як паведамілі ў пасольстве ЗША ў Азербайджане, гэты дакумент накіраваны на ўмацаванне двухбаковых адносін і развіццё патэнцыялу Паўднёвага Каўказа.
Хартыя замацоўвае пераход супрацоўніцтва на доўгатэрміновы інстытуцыйны ўзровень і ахоплівае шырокі спектр сфер. Сярод асноўных палажэнняў — узаемнае прызнанне суверэнітэту і тэрытарыяльнай цэласнасці, развіццё транзітнага «Сярэдняга калідора», а таксама падтрымка праекта TRIPP — транспартнага маршруту паміж Азербайджанам і Нахічэванню праз тэрыторыю Арменіі.
Акрамя таго, дакумент прадугледжвае ўзмацненне ролі Азербайджана ў сферы энергетычнай бяспекі, пашырэнне супрацоўніцтва ў гандлі, лічбавых тэхналогіях, кібербяспецы і абароне, а таксама стварэнне працоўных груп і рэалізацыю канкрэтных праектаў.
Візіт Вэнса ў Баку адбыўся пасля яго паездкі ў Ерэван, дзе ЗША і Арменія падпісалі пагадненне аб супрацоўніцтве ў галіне цывільнай ядзернай энергетыкі з інвестыцыямі да 9 мільярдаў даляраў. Паводле Bloomberg, гэтыя крокі з’яўляюцца часткай стратэгіі Вашынгтона па ўмацаванні свайго ўплыву ў рэгіёне на фоне змены рэгіянальных саюзаў і пасля дасягнення праекта мірнага пагаднення паміж Арменіяй і Азербайджанам пры пасярэдніцтве ЗША.
ЗША ўкладуць 9 мільярдаў даляраў у армянскую ядзерную энергетыку
Віцэ-прэзідэнта ЗША і амерыканскую дэлегацыю асвісталі падчас адкрыцця Алімпіяды ў Мілане
Джэй Дзі Вэнс прыляцеў на Алімпіяду ў Мілан з флотам з 14 самалётаў і картэжам з 100 аўтамабіляў
Карабах без армян: Трамп заканчвае войны, якія заканчваюцца самі
Аліеў і Пашынян падпісалі ў Белым доме дэкларацыю аб спыненні баявых дзеянняў
Цяпер чытаюць
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне63
Каментары