Не толькі Гродна. Стала вядома, у якіх яшчэ гарадах Беларусі з'явіцца таксі Bro Car
Гродна стаў першым беларускім горадам, у якім нядаўна запусцілі новы агрэгатар таксі Bro Car. Ён пачаў працаваць яшчэ ў студзені. Выданне Office Life высветліла, ці з’явіцца сэрвіс у іншых гарадах.
Як расказалі Office Life у кампаніі «Брокар Бел», якая адказвае за сэрвіс таксі ў Беларусі, зараз у Гродне ўжо падключана каля 200 машын. Пакуль ёсць невялікая складанасць у інтэграцыі з праграмнымі касамі, але разлічваюць, што на працягу трох-чатырох тыдняў адладзяць працэс. Гэта дазволіць большай колькасці кіроўцаў працаваць з наяўнымі грашыма. Пакуль такая магчымасць ёсць толькі ў тых, хто ездзіць з таксометрам.
Наступным горадам для запуску Bro Car у нашай краіне стане Шчучын.
Гэты горад знаходзіцца ўсяго за 70 кіламетраў ад Гродна, і там праявілі вялікае жаданне падключыцца. У кампаніі кажуць, што з задавальненнем адгукнуліся і разлічваюць ужо з першага тыдня сакавіка аказваць паслугі пасажырам у Шчучыне.
Як удакладніла Кацярына Станкевіч, старшыня Асацыяцыі прафесійных перавозчыкаў пасажыраў, наступным з абласных гарадоў у планах Bro Car стаіць Віцебск, дзе таксама вельмі актыўныя перавозчыкі.
Паводле яе слоў, у гэтым горадзе з перавозчыкамі выдатная зваротная сувязь і «ёсць разуменне працэсаў, якія неабходна наладзіць, каб забяспечыць бяспечную перавозку, а таксама захоўваць інтарэсы як перавозчыкаў, так і кіроўцаў». Запусціць там сэрвіс разлічваюць у канцы сакавіка або пачатку красавіка.
Планы па іншых гарадах у кампаніі пакуль не раскрываюць, але пацвярджаюць, што плануюць пашырацца.
Праўда, Мінска ў спісе няма. Прадстаўнікі Bro Car кажуць, што праводзілі сходы з перавозчыкамі — сталічныя праявілі найменшую зацікаўленасць. Пры гэтым ёсць запыт ад гарадоў Мінскай вобласці.
Разглядаюць і магчымасць перадзамовы ў аэрапорт, для гэтага паспрабуюць сфарміраваць тарыф і паглядзець на водгук перавозчыкаў.
Уладальнік Bro Car — кампанія «Эверы Кар» з Казахстана. Сэрвіс працуе яшчэ і ў Азербайджане. Галоўнае адрозненне новай службы таксі: у ёй не выкарыстоўваецца дынамічнае цэнаўтварэнне. Цэны — фіксаваныя. У час пік яны могуць павышацца, але ўсё адно будуць фіксаваныя.
Цяпер чытаюць
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек4
Каментары