Мінскі метрапалітэн часова зменіць расклад руху цягнікоў — 18 красавіка яны будуць хадзіць часцей. Гэта звязана з тым, што ў гэты дзень чакаецца вялікі паток людзей.
Метро будзе працаваць па графіку працоўнай суботы. Раніцай, з 7:30 да 10:00, цягнікі на чырвонай і сіняй лініях будуць хадзіць кожныя 3 хвіліны, а ўдзень — прыкладна кожныя 5—6 хвілін. На зялёнай лініі інтэрвалы будуць крыху большыя: 5 хвілін раніцай і каля 7 хвілін удзень.
Такія змены ўвялі з-за прызначэння на гэты дзень рэспубліканскага суботніка. У гэты дзень шмат людзей па ўсёй краіне ўлады абавязваюць выходзіць на прыбіранне і ўпарадкаванне тэрыторый. Грошы, заробленыя падчас суботніка, сёлета, як і летась, пералічаць на стварэнне экспазіцыі Нацыянальнага гістарычнага музея Беларусі.
У мінскім метро чалавек захацеў набыць адразу 3 тысячы жэтонаў
Мінчанка падзякавала службе бяспекі метрапалітэна за надгляд рэчаў сына
Будаўніцтва трэцяй чаргі Зялёналужскай лініі метро: што ўжо зроблена і што яшчэ наперадзе
У метрапалітэне раскрылі таямніцу, што хаваецца за сакрэтнымі дзвярмі на станцыі «Кастрычніцкая»
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары