Трамп дазволіць Пуціну працягваць гандляваць нафтай без абмежаванняў праз адсутнасць міру з Іранам
ЗША найбліжэйшым часам абвесцяць пра працягненне дазволу на продаж падсанкцыйнай расійскай нафты, паведамляе Semafor са спасылкай на блізкія да амерыканскага Мінфіна і Дзярждэпа крыніцы.
Паводле іх слоў, тое ж самае будзе зроблена і ў адносінах да паліва з Ірана. Пры гэтым суразмоўцы выдання не ўдакладнілі, на які тэрмін улады ЗША працягнуць дазволы для Масквы і Тэгерана.
Амерыканскі Мінфін у сакавіку на адзін месяц — да 11 красавіка — вывеў з-пад санкцый экспарт расійскай нафты і нафтавых прадуктаў, якія ўжо былі загружаны на караблі. Такое ж паслабленне было зроблена і для нафты Ірана, якая знаходзілася ў моры.
Міністр фінансаў ЗША Скот Бесэнт адзначаў, што мэта гэтых мер — умацаваць стабільнасць на сусветных энергетычных рынках, цэны на якіх выраслі з-за вайны ў Іране. Ён таксама падкрэсліў, што часовае зняцце санкцый «не прынясе істотнай фінансавай выгады расійскаму ўраду, які атрымлівае большую частку сваіх энергетычных даходаў ад падаткаў, узятых на месцы здабычы».
Пры гэтым, па даных Мінэканамразвіцця РФ, сярэдняя цана расійскай нафты Urals пасля часовага зняцця санкцый у сакавіку вырасла да максімальнага ўзроўню з кастрычніка 2023 года — $77 за бараль. Гэта на 73% больш, чым у лютым ($44,59 за барэль), а таксама вышэй за закладзены ў бюджэт сярэднегадавы ўзровень у $59 за бараль, піша Moscow Times.
Цяпер чытаюць
Пра што маўчыць Аляксей Францкевіч, якому Польшча закрыла ўезд на 10 гадоў54
Каментары
Але даходы бюджэту і алігархаў бяруцца з экспарту нафты і газу.
Цяпер даходы рухнулі напалову з-за адмовы Еўропы браць энерганосьбіты з Расіі, але Трамп стараецца расійскія даходы адрадзіць - заблакаваў венесуэльскую нафту, пасля пачаў вайну на Блізкім Усходзе, цяпер спрабуе заліць свет нафтай з Расеі на умовах манапольнага гандлю.
І стараеецца пачаць вайну ў раёне нарвежскай здабычы вуглевадародаў - ў Грынландыі.