У расійскім Татарстане адбылася атака беспілотнікаў на нафтаперапампавальную станцыю «Калейкіна» каля горада Альмецьеўска, якая з’яўляецца важным вузлом нафтаправода «Дружба».
У выніку падзення абломкаў беспілотных лятальных апаратаў на прамысловую зону ўзнік пажар. Паводле інфармацыі мясцовых уладаў, пацярпелых няма, а службы вядуць работы па ліквідацыі наступстваў.
Станцыя «Калейкіна» мае стратэгічнае значэнне: менавіта там змешваецца нафта, што паступае з розных трубаправодаў з Сібіры, пасля чаго яна накіроўваецца ў сістэму «Дружба». Далей сыравіна транспартуецца ў краіны Цэнтральнай Еўропы — у прыватнасці, у Венгрыю і Славакію, якія застаюцца аднымі з нямногіх краін Еўрасаюза, што працягваюць закупляць расійскую нафту.
Разам з тым пастаўкі па гэтым маршруце былі прыпыненыя яшчэ напрыканцы студзеня пасля ўдару па нафтаперапампавальнай станцыі ў Бродах у Львоўскай вобласці Украіны. Пасля гэтага Венгрыя і Славакія запатрабавалі як мага хутчэй аднавіць транзіт, абвінаваціўшы ўкраінскі бок у зацягванні рамонтных работ. Венгрыя нават збіраецца праз гэта заблакаваць 20‑ты пакет санкцый супраць Расіі, прымеркаваны да 4‑й гадавіны развязвання поўнамаштабнай вайны.
Спыніліся апошнія пастаўкі расійскай нафты ў Еўрасаюз. Расія сама разбамбіла нафтаправод
Фіца: Славакія прыпыніць пастаўкі электраэнергіі ва Украіну, калі Кіеў будзе перашкаджаць пастаўкам нафты праз «Дружбу»
Міністр замежных спраў Венгрыі назваў умову, пры якой краіна падтрымае выдачу Украіне 90 млрд еўра
Еўрасаюз не патрабуе ад Украіны хутка рамантаваць нафтаправод «Дружба»
Адрэзаная ад нафтаправода «Дружба» Славакія купіла сем танкераў нафты ў іншых краінах
Цяпер чытаюць
На вайсковыя зборы масава забіраюць гродзенцаў. А што мінчукі? Падрыхтуйцеся, ваша чарга — 2027‑2028 гады7
Каментары