Венгрыя і Славакія перасталі пастаўляць Украіне дызельнае паліва за адмову ў транзіце расійскай нафты
Венгрыя і Славакія прыпынілі экспарт дызельнага паліва ва Украіну пасля спынення паставак расійскай нафты праз трубаправод «Дружба». Абедзве краіны заявілі, што спыненне паставак звязана з неабходнасцю гарантаваць уласнае энергазабеспячэнне пасля пашкоджання трубаправода ў выніку расійскага авіяўдару па тэрыторыі Украіны 27 студзеня, паведамляе Euronews.
Венгрыя таксама абвінаваціла Украіну ў палітычным шантажы і ўмяшанні. Міністр замежных спраў Венгрыі Петэр Сіярта адзначыў, што Украіна мае неабходныя рэсурсы і час для рамонту трубаправода, а адмова ад аднаўлення паставак нафты — палітычнае рашэнне ўкраінскага прэзідэнта Уладзіміра Зяленскага. Ён падкрэсліў, што пастаўкі дызельнага паліва ва Украіну не будуць адноўленыя, пакуль Украіна не адновіць працу трубаправода.
Славакія прыняла аналагічныя меры: дзяржаўны нафтаперапрацоўчы завод Slovnaft спыняе ўсе экспартныя пастаўкі дызельнага паліва, каб забяспечыць патрэбы ўнутранага рынку. Акрамя таго, Славакія выдзеліла 250 000 тон нафты са сваіх надзвычайных рэзерваў. Прадстаўнікі Славакіі заявілі, што ўсё, што будзе перапрацоўвацца ў краіне, прызначана выключна для ўнутранага спажывання.
Абедзве краіны звярнуліся да Еўракамісіі з просьбай дазволіць транспартаванне расійскай нафты праз харвацкія парты, каб забяспечыць пастаўкі, але Харватыя адмовіла, спасылаючыся на магчымыя парушэнні амерыканскіх санкцый. У той жа час Еўракамісія заяўляе, што энергетычная бяспека Венгрыі і Славакіі не знаходзіцца пад пагрозай, бо ў абедзвюх краінах дастатковыя рэзервы нафты.
Украіна ў гэты час сутыкнулася з сур’ёзным энергетычным крызісам: пашкоджанні інфраструктуры, выкліканыя расійскімі ўдарамі ў зімовы перыяд, прывялі да дэфіцыту энергарэсурсаў, што ўзмацняе напружанасць у пытаннях паставак і транзіту нафты праз тэрыторыю краіны.
«Пара спыніць гэта ваеннае спекулянцтва». Харватыя адмовілася транспартаваць ў Венгрыю і Славакію расійскую нафту, але гатовая памагчы з іншай
Спыніліся апошнія пастаўкі расійскай нафты ў Еўрасаюз. Расія сама разбамбіла нафтаправод
ЗША абмяркуюць з Венгрыяй і Славакіяй адмову ад расійскага газу
Віктар Орбан назваў Украіну ворагам Венгрыі
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары