Кодавае слова «філіжанка» не збянтэжыла гамельчука — ён дапамог аферыстам
У міліцыю звярнулася 77‑гадовая мінчанка, якая стала ахвярай падману па схеме «псеўдаводаканал».
Пенсіянерцы на мабільны тэлефон паведамілі пра замену лічыльнікаў. Жанчына прадыктавала код з SMS-паведамлення, піша тэлеграм-канал «Міліцыя Мінска».
Далей з ёй звязаліся нібыта праваахоўнікі і паведамілі, што персанальнымі звесткамі пенсіянеркі завалодалі аферысты, якія праводзяць ад яе імя незаконныя фінансавыя аперацыі. Каб пазбегнуць ператрусу і крымінальнага пераследу, жанчыне прапанавалі задэклараваць увесь ашчадак.
Пенсіянерка паверыла і перадала кур’еру па кодавым слове «філіжанка» 14 тысяч рублёў.
Аператыўнікі затрымалі 30‑гадовага жыхара Гомельскай вобласці, які раней сам стаў ахвярай аферыстаў па такой жа схеме.
Мужчыну пераканалі прыехаць у сталіцу, каб «дапамагчы праваахоўнікам»: забраць грошы ў пенсіянеркі і перавесці іх на сваю банкаўскую аплатную картку, а пасля — на спецыяльны рахунак. Да затрымання фігурант паспеў адправіць частку грошай — астатняе канфіскавалі аператыўнікі.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары