МЗС Азербайджана падзякаваў Беларусі за салідарнасць супраць іранскіх дронаў
6 сакавіка МЗС Азербайджана ўключыў афіцыйны беларускі сцяг у інфаграфіку да паведамлення з падзякай за салідарнасць пасля атакі іранскіх беспілотнікаў у Нахічэвані.
Міністэрства замежных спраў Азербайджана заявіла, што краіна вельмі ўдзячная міжнародным партнёрам за падтрымку пасля таго, як іранскія беспілотнікі нанеслі ўдары па азербайджанскай тэрыторыі. У ведамстве адзначылі, што высока ацэньваюць заявы салідарнасці, лісты і тэлефонныя званкі, атрыманыя ад розных дзяржаў. Таксама падкрэсліваецца важнасць таго, што партнёры пацвердзілі сваю падтрымку суверэнітэту Азербайджана, яго тэрытарыяльнай цэласнасці і недатыкальнасці межаў. Баку падзякаваў усім краінам і міжнародным арганізацыям, якія ў гэты складаны перыяд выказалі падтрымку і працягваюць быць побач.
Усяго да паведамлення было далучана 40 сцяжкоў краін і шэсць эмблем міжнародных арганізацый. Расійскага сцяга ў гэтым паведамленні, у адрозненне ад беларускага, не было, затое быў армянскі.
6 сакавіка са сваімі азербайджанскімі калегамі звязваліся і размаўлялі міністр замежных спраў Беларусі Максім Рыжанкоў і прэм'ер-міністр Аляксандр Турчын.
Азербайджан мабілізаваў рэзервістаў і выставіў войскі на баявыя пазіцыі
Рыжанкоў абмеркаваў з міністрам замежных спраў Азербайджана сітуацыю на Блізкім Усходзе і ўдар Ірана па Нахічэвані
Мінабароны Азербайджана: Іран накіраваў чатыры беспілотнікі па Нахічэвані
Аліеў назваў тэрарыстычным актам атаку іранскіх дронаў па Нахічэвані
Іранскія шахеды прыляцелі ў Азербайджан — адзін упаў каля школы, другі выбухнуў на тэрыторыі аэрапорта
Цяпер чытаюць
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся42
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары