У будынку пачалася маштабная рэканструкцыя.
Унутры зараз разгортваецца маштабная будаўнічая праца: працуюць адбойныя малаткі, на двор заязджаюць бетонамяшалкі, самазвалы і іншая тэхніка. Будаўнікі пачалі з маштабнага дэмантажу, паведамляе Мінскбуд.
У блоку А, які выходзіць на праспект Незалежнасці, рабочыя ўжо разабралі ўнутраныя перагародкі, знялі старыя столі і бетонныя падлогі, дэмантавалі камунікацыі, ачысцілі сцены ад тынкоўкі. Цяпер там узмацняюць канструкцыі і ўзводзяць новыя перагародкі. Цагляныя сцены дадаткова ўмацуюць спецыяльнай тэхналогіяй — таркрэціраваннем.
Амаль завершаны работы па замене пакрыцця даху. Пры гэтым форму даху вырашылі захаваць, каб знешні выгляд будынка застаўся нязменным.
Многія іншыя элементы гістарычнага корпуса таксама вырашылі пакінуць без змен.
«Праектам прадугледжана рэстаўрацыя фасада (з захаваннем знешняга аблічча будынка). Не зменіцца і прасторава-планіровачная структура інтэр'ераў», — адзначыў майстар будаўнічага кіравання №199 Мікіта Каваленя.
Гэта азначае, што ў будынку застануцца галерэі, галоўны мармуровы вестыбюль, гістарычныя вокны, а таксама ўваходныя групы з паліраванымі дубовымі дзвярыма.
Цяпер у корпусе ідзе поўнамаштабная мадэрнізацыя інжынернай часткі. На аб'екце працуюць электрамантажнікі, найбліжэйшым часам да іх далучацца сантэхнікі, а пасля пачнуць працаваць тынкоўшчыкі.
Па словах Мікіты Кавалені, рэканструкцыя праводзіцца з навуковым суправаджэннем і прадугледжвае поўнае абнаўленне ўнутраных элементаў будынка.
У прыватнасці, заменяць перагародкі, інжынерныя сеткі, дзверы, падлогавыя пакрыцці, столь, ліфты і ліфтавыя шахты. Таксама абновяць актавы зал, бібліятэку, чытальныя памяшканні, вучэбныя аўдыторыі, навуковыя лабараторыі, музей БДУ і сталовую.
Пасля завяршэння рэканструкцыі ў корпус паставяць новую мэблю і сучаснае абсталяванне.
Цяпер чытаюць
«Калі б не «Вясна-1996, мы б былі Татарстанам». 30 гадоў таму беларусы ўжо пратэставалі супраць Лукашэнкі і Расіі — як гэта было1
Каментары
[Зрэдагавана]