У пары патагонскіх мар у Мінскім заапарку нарадзіліся двое дзетак
Гэтыя экзатычныя жывёлы прыбылі ў Беларусь год таму. Пару назвалі містар і місіс Сміт.
У канцы сакавіка яны сталі бацькамі: у іх з’явіліся двое чароўных малых — хлопчык і дзяўчынка, паведамілі ў Мінскім заапарку.
Пакуль што дзіцянятам патагонскіх мар не далі імёны. Для гэтага ў заапарку вырашылі правесці конкурс, у якім могуць удзельнічаць усе жадаючыя.
Пажадана, каб імёны пачыналіся на літару «С» (як у бацькоў) або былі сугучныя/звязаныя са словам «Сміт».
Прапаноўваць свае варыянты імёнаў для малых грызуноў можна ў каментарыях пад публікацыяй Мінскага заапарка ў Instagram. Конкурс праводзіцца да 8 красавіка. Вынікі абвесцяць у гэтай жа сацсетцы ў сторыс.
Пост ужо сабраў больш за 250 каментарыяў. Сярод прапанаваных варыянтаў ёсць, напрыклад, Саня і Соня Сміт, Сімка і Сёмка, Сушка і Сашка, Саўрон і Сільвія — выбар будзе няпросты.
Цяпер чытаюць
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»28
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2222
Каментары