Błytanina ŭ śpisach vyzvalenych palitviaźniaŭ: vyjšaŭ inšy Machnač, zamiest Navažyłava adpuścili Navažancava
Pravaabaroncy raskazali pra błytaninu ŭ śpisach vyzvalenych 19 sakavika palitviaźniaŭ: niekatoryja ludzi, jakich čakali na voli, zastalisia ŭ kałonijach, a vyjšli inšyja viaźni z padobnymi proźviščami.
Tak, u pieršapačatkovych śpisach značyŭsia fihurant «spravy Hajuna» Alaksandr Machnač — adnak na volu jon nie tak i nie vyjšaŭ. Zatoje na voli akazaŭsia palitźniavoleny Uładzimir Machnač, jaki byŭ asudžany pa šerahu artykułaŭ da 4,5 hadoŭ pazbaŭleńnia voli, piša «Viasna».
38‑hadovy Alaksandr Machnač byŭ asudžany pa «spravie Hajuna». Jamu inkryminavali zakliki da dziejańniaŭ, nakiravanych na pryčynieńnie škody nacyjanalnaj biaśpiecy, a taksama sadziejničańnie ekstremisckaj dziejnaści. Pavodle rašeńnia suda ad 22 kastryčnika 2025 hoda, jon atrymaŭ 4 hady pazbaŭleńnia voli ŭ kałonii va ŭmovach uzmocnienaha režymu. Jon uniesieny ŭ aficyjnyja śpisy «terarystaŭ» i «ekstremistaŭ».
48‑hadovy Uładzimir Machnač byŭ asudžany za abrazu Łukašenki, a taksama za raspalvańnie sacyjalnaj varožaści. 29 kastryčnika 2024 hoda jamu pryznačyli pakarańnie ŭ vyhladzie 4 hadoŭ i 6 miesiacaŭ pazbaŭleńnia voli ŭ kałonii ahulnaha režymu razam sa štrafam u 500 bazavych vieličyń. Uklučany ŭ śpisy «terarystaŭ» i «ekstremistaŭ».
Padobnaja situacyja adbyłasia i z palitźniavolenym žurnalistam Dźmitryjem Navažyłavym, jaki byŭ u pieršapačatkovych śpisach na vyzvaleńnie, ale z kałonii tak i nie vyjšaŭ.
Zatoje na voli apynuŭsia palitviazień Uładzisłaŭ Navažancaŭ, jakoha nie było ŭ śpisach pamiłavanych.
Dźmitryj Navažyłaŭ (53 hady), były dyrektar infarmacyjnaha ahienctva BiełaPAN, byŭ asudžany pa hučnaj «spravie BiełaPAN» za ŭdzieł u ekstremisckim farmavańni i nibyta za ŭchileńnie ad vypłaty padatkaŭ. Jaho asudzili da 6 hadoŭ kałonii.
Uładzisłaŭ Navažancaŭ (44 hady) byŭ asudžany ŭ Homielskim abłasnym sudzie za raspalvańnie sacyjalnaj varožaści, a taksama za abrazu pradstaŭnika ŭłady i Łukašenki. U kastryčniku 2023 hoda jamu pryznačyli pakarańnie ŭ vyhladzie pazbaŭleńnia voli ŭ kałonii ahulnaha režymu — termin dakładna nieviadomy. 19 sakavika 2026 hoda jon vyjšaŭ na volu ŭ miežach pamiłavańnia 250 palitviaźniaŭ paśla vizitu ŭ Minsk amierykanskaha śpiecpasłańnika Džona Koŭła.
-
Z asudžanaha za špijanaž znajomaha Volhi Karač u turmie vymahali hrošy. A jon chvaliŭsia, što moža dastać ich u pasolstvie Biełarusi
-
U minskim parku Čaviesa dva dni budzie pracavać zipłajn — reč sa spuskam na šalonaj chutkaści
-
Łukašenka zahadaŭ, kab byłych siłavikoŭ, ratavalnikaŭ i dypłamataŭ, zvolnienych «pa dyskredytujučych», adsočvali piać hadoŭ
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram5
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary