Трамп: ЗША будуць цесна супрацоўнічаць з Іранам, вядуцца перамовы аб змякчэнні тарыфаў і санкцый
«Вашынгтон і Тэгеран выкапаюць і выдаляць увесь ядзерны «пыл», які знаходзіцца пад зямлёй», — напісаў прэзідэнт ЗША.
ЗША будуць цесна супрацоўнічаць з Іранам, вядуцца перамовы аб змякчэнні тарыфаў і санкцый. Пра гэта паведаміў Дональд Трамп у сацсетцы Truth Social.
Паводле яго слоў, узбагачэння ўрану не будзе, і Злучаныя Штаты ў супрацоўніцтве з Іранам «выкапаюць і выдаляць увесь ядзерны «пыл», які знаходзіцца пад зямлёй».
«Злучаныя Штаты будуць шчыльна супрацоўнічаць з Іранам, які, як мы вызначылі, перажыў вельмі прадуктыўную змену рэжыму! Узбагачэння ўрану не будзе, і Злучаныя Штаты, супрацоўнічаючы з Іранам, выкапаюць і выдаляць увесь ядзерны «пыл», які знаходзіцца глыбока пад зямлёй (бамбардзіроўшчыкі B-2). Зараз і раней за гэтым раёнам вялося вельмі пільнае спадарожнікавае назіранне (Касмічныя сілы!). З моманту нападу нічога не было зменена. Мы вядзём і будзем весці перамовы з Іранам аб змякчэнні тарыфаў і санкцый. Многія з 15 пунктаў ужо ўзгодненыя», — напісаў прэзідэнт ЗША.
Каментары