Што плануе беларуская моладзь? Дзяўчаты — палепшыць матэрыяльнае становішча, хлопцы — стварыць сям'ю
Даследчыкі Цэнтра новых ідэй правялі апытанне сярод беларускай моладзі і пацікавіліся, сярод іншага, іх планамі на бліжэйшыя гады.
Як адзначаюць аўтары даследавання, у цэлым моладзь ( 18‑35 гадоў) выбірае стратэгію мінімізацыі рызык, а не стратэгію развіцця і росту. Ва ўмовах, калі макраасяроддзе ўспрымаецца як нестабільнае і цяжкапрадказальнае, рацыянальным становіцца прыярытэт асабістых сфер, якія лягчэй кантраляваць.
Так, на першым месцы ў спісе мэтаў апынулася паляпшэнне матэрыяльнага становішча (44%). На другім — клопат пра здароўе і асабісты дабрабыт (32%). Пра намер пачаць або развіваць кар’еру заявілі 28% апытаных. Фактычна кожны чацвёрты суайчыннік імкнецца да спакойнага і размеранага жыцця (24%), а таксама да развіцця творчых ці асабістых праектаў (23%). Столькі ж рэспандэнтаў — 23% — назвалі сваёй мэтай стварэнне сям’і.
Калі глядзець на даныя больш дэталёва, тэма жыццёвых мэтаў аказваецца адной з тых рэдкіх сфер, дзе паміж хлопцамі і дзяўчынамі зафіксавана статыстычна значная розніца.
Менавіта хлопцы часцей за жанчын заяўлялі пра планы стварыць сям’ю — 28% супраць 18%.
А вось для дзяўчат значна больш важным з’яўляецца паляпшэнне матэрыяльнага становішча: пра гэта заявіла кожная другая апытаная. Сярод хлопцаў гэты паказчык значна ніжэйшы.
Пры гэтым стаць бацькамі ў бліжэйшыя 3—5 гадоў плануе толькі адзін з сямі рэспандэнтаў (14% дзяўчат і 15% хлопцаў).
У апытанні ўзялі ўдзел 465 рэспандэнтаў ва ўзросце ад 18 да 35 гадоў. Аўтары сцвярджаюць, што даныя былі пераўзважаныя паводле полу і рэгіёна пражывання ў адпаведнасці з афіцыйнай статыстыкай Белстата за 2022 год. Максімальная статыстычная пагрэшнасць складае каля 4,5 працэнтных пунктаў.
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак6
Каментары
Няўжо ЕС, які падтрымлівае, прымусіў выкарыстаць расейскую мову? Ці гэта ўжо ЦНИ замест ЦНІ?