Былы намеснік міністра абароны Расіі Павел Папоў асуджаны да 19 гадоў калоніі строгага рэжыму па справе аб крадзяжы сродкаў у падмаскоўнага парка «Патрыёт».
Суд прызнаў яго вінаватым у махлярстве, атрыманні хабару, перавышэнні службовых паўнамоцтваў, службовым падлогу і незаконным захоўванні зброі. Акрамя пазбаўлення волі, яму прызначылі вялікі штраф, канфіскацыю маёмасці, а таксама пазбавілі генеральскага звання і дзяржаўных узнагарод.
Паводле матэрыялаў справы, у 2021—2024 гадах сродкі, выдзеленыя на парк «Патрыёт» і яго інфраструктуру, часткова выкарыстоўваліся для асабістых патрэб фігурантаў, у тым ліку будаўніцтва загараднага дома. Агульная сума незаконнага ўзбагачэння ў справе ацэньваецца больш чым у 60 мільёнаў расійскіх рублёў (каля 780 тысяч даляраў).
Акрамя Папова, у гэтай справе фігуравалі і іншыя высокапастаўленыя чыноўнікі Міністэрства абароны. Яны пайшлі на супрацоўніцтва са следствам і атрымалі больш мяккія тэрміны пакарання.
Сам Папоў віну не прызнаў і будзе абскарджваць прысуд.
Цяпер чытаюць
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах17
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння66
Каментары