У сеціве з’явіўся першы вялікі альбом велікодных спеваў на роднай мове. Паслухайце
Напярэдадні Вялікадня беларуская праваслаўная супольнасць капліцы святога Рыгора Перадзэ ў Варшаве зрабіла тое, што раней здавалася немагчымым: выпусціла поўны літургічны альбом «Праваслаўны Вялікдзень» на роднай мове.
У часы, калі права на нацыянальную ідэнтычнасць даводзіцца абараняць штодня, гэты праект «Беларускага хору капліцы» становіцца сапраўдным маніфестам жывой культуры, піша Reform.news.
Альбом, які ўжо даступны на Spotify, Apple Music і YouTube, змяшчае 36 трэкаў. Гэта вынік глыбокага даследавання: музыкі не проста пераклалі тэксты, а звярнуліся да беларускіх гістарычных ірмалагіёнаў — старажытных нотных зборнікаў, каб вярнуць набажэнству яго спрадвечны нацыянальны каларыт.
Цяпер супольнасць плануе ісці далей і да 2027 года выдаць нотныя зборнікі літургій, якія будуць перададзены ў адкрыты доступ для ўсіх парафій.
Каб гэтая маштабная праца працягвалася, на платформе zrzutka.pl адкрыты збор сродкаў. Падтрымаць праект можна і асабіста: у варшаўскай капліцы на вуліцы Lelechowska 5 за ахвяраванне прапануюць памятную паштоўку з QR-кодам, які адкрывае доступ да ўсяго музычнага скарбу.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя5
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары