«Гэта лічаныя кіламетры». У Крамлі распавялі, чаму не рухаюцца перамовы з Украінай
Рознагалоссі Масквы і Кіева па тэрытарыяльным пытанні заключаюцца ў «лічаных кіламетрах», заявіў прэс-сакратар расійскага прэзідэнта Дзмітрый Пяскоў. Ён сказаў, што пасля велікоднага перамір'я вайсковыя дзеянні працягнуцца.
Спікер Крамля Дзмітрый Пяскоў пацвердзіў, што тэрытарыяльнае пытанне з’яўляецца адной з галоўных тэм для абмеркавання падчас перамоў наконт вайны ва Украіне, і па гэтым пытанні не было ніякага прасоўвання.
Асноўнай перашкодай для міру Пяскоў назваў пазіцыю ўкраінскага боку. Ён сказаў, што «рознагалоссі Масквы і Кіева па тэрытарыяльным пытанні заключаюцца ў лічаных кіламетрах», маючы на ўвазе частку Данецкай вобласці, якую Расія патрабуе перадаць пад свой кантроль.
«Не, гэта сапраўды лічаныя кіламетры… груба кажучы, там 18—17% Данецкай Народнай Рэспублікі, якую засталося нам вызваліць, і гэта будзе азначаць выхад на адміністрацыйныя межы», — сказаў сваю версію прадстаўнік Крамля.
Крэмль афіцыйна пацвердзіў намер працягнуць ваенныя дзеянні супраць Украіны пасля заканчэння 36‑гадзіннага «велікоднага перамір'я». Пяскоў сказаў, што Маскве патрэбны «ўстойлівы мір». «Аднак ён можа наступіць, калі мы забяспечым нашы інтарэсы, дасягнём тых мэтаў, якія ставіліся з самага пачатку», — дадаў ён.
У сваю чаргу Уладзімір Зеленскі выступіў за падаўжэнне рэжыму цішыні, падкрэсліўшы гатоўнасць Украіны да дыпламатычнага шляху. «Было б правільна, каб спыненне агню працягвалася і далей. Мы высунулі гэтую прапанову Расіі, і калі Расія зноў выбера вайну замест міру, гэта яшчэ раз прадэманструе свету, хто і чаго насамрэч хоча», — заявіў прэзідэнт Украіны.
Кіеў працягвае настойваць на тым, што любыя дамоўленасці павінны суправаджацца міжнароднымі гарантыямі бяспекі для прадухілення новай агрэсіі.
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм14
Каментары