У Навагрудку прадавец тэлефонаў патаемна афармляў крэдыты на пашпарты кліентаў
31‑гадовы мужчына працаваў у краме мабільнай тэхнікі і дапамагаў пакупнікам афармляць крэдыты на тавары. Маючы доступ да пашпартных даных кліентаў, праз некаторы час ён пачаў выкарыстоўваць іх без ведама людзей, паведаміў Следчы камітэт.
Спачатку мужчына аплачваў узятыя такім чынам крэдыты, каб не выклікаць падазрэнняў. Але калі ў яго ўзніклі фінансавыя праблемы, выплаты спыніліся і пачаліся пратэрміноўкі.
Банкі сталі дасылаць паведамленні пра даўгі людзям, якія ніякіх крэдытаў не бралі. Пасля гэтага пацярпелыя звярнуліся ў міліцыю.
Следства ўстанавіла, што мужчына аформіў як мінімум тры крэдыты на агульную суму больш за 13 тысяч рублёў. Грошы ён выкарыстаў на пагашэнне ўласных даўгоў і асабістыя патрэбы.
Высветлілася таксама, што раней ён ужо быў судзімы за прысваенне маёмасці ў буйным памеры і меў забарону на працу з матэрыяльнымі каштоўнасцямі. Нягледзячы на гэта, ён зноў учыніў злачынства.
На допыце мужчына прызнаў віну і сказаў, што разлічваў самастойна выплаціць крэдыты, каб ніхто нічога не заўважыў, але ў яго не хапіла грошай.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары