«Ну што, як справы?» Ноўтбук загаварыў з мінчуком, калі той ляжаў на канапе
Хлопец быў цвярозы.
У Першамайскае РУУС Мінска звярнуўся 20‑гадовы мінчук. Ён расказаў, што знаходзіўся дома і пачуў незнаёмы мужчынскі голас з ноўтбука. Спробы перазагрузіць камп’ютар не далі выніку, паведамляе «Міліцыя Мінска».
Пасля гэтага на экране запусціўся зваротны адлік і з’явілася пагроза вывесці прыладу з ладу, калі мінчанін не пяройдзе па спасылцы ў месенджары.
Выканаўшы інструкцыю, мужчына атрымаў указанне зарэгістравацца на крыптабіржы і даць доступ да акаўнта. Ён адмовіўся выконваць патрабаванні і звярнуўся ў міліцыю.
Супрацоўнікі падраздзялення па супрацьдзеянні кіберзлачыннасці ўстанавілі, што заяўнік спампоўваў пашырэнне да папулярнай анлайн-гульні і ў выніку ўсталяваў не менш за шэсць шкоднасных праграм, прызначаных для збору персанальных даных, уключаючы лагіны і паролі.
А таксама — дадаткі для схаванага доступу да сістэмы, трансляцыі экрана, кіравання вэб-камерай і мікрафонам і поўнага кантролю над прыладай.
У выніку кібератакі ноўтбук коштам каля 5000 рублёў выведзены з ладу і аднаўленню не падлягае.
Цяпер чытаюць
«Фемінізм у маім выпадку перамог». Вераніка Станкевіч — пра дапамогу палітвязням у «Вольных» і планы на вяселле з Івуліным5
Каментары