Нешта падобнае на дрон упала на дах дома ў Кішынёве. Паліцыя эвакуявала жыхароў
Спецыялісты і сапёры, якія прыбылі на месца, ачапілі тэрыторыю.

У ноч на 28 красавіка на дах жылога дома ў цэнтры Кішынёва ўпаў аб’ект, падобны да дрона. Пра інцыдэнт паведаміла сталічная паліцыя, якая ачапіла дом і эвакуявала жыхароў, піша Newsmaker.
У паліцыі паведамілі, што дрон на даху выявіў адзін з жыхароў дома. Спецыялісты і сапёры, якія прыбылі на месца, ачапілі тэрыторыю. Паводле папярэдняй інфармацыі, аб’ект атрымаў пашкоджанні, ударыўшыся аб дах будынка.
«З меркаванняў бяспекі ўсіх жыхароў пад’езда шматкватэрнага дома часова эвакуявалі, пакуль аб’ект не будзе вывучаны і выдалены», — адзначылі праваахоўнікі, заклікаўшы грамадзян не дакранацца да невядомых або падазроных прадметаў і неадкладна паведамляць пра іх у службу 112.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося
Каментары