Стратны Аршанскі мясакамбінат плануюць далучыць да паспяховага агракамбіната «Дзяржынскі». Такое рашэнне прынялі на нарадзе з удзелам Аляксандра Лукашэнкі і ўрада, піша Office Life.
Па словах Лукашэнкі, ранейшыя спробы вывесці прадпрыемства з крызісу не далі выніку, хоць у яго ўжо ўкладалі значныя дзяржаўныя сродкі. Таму вырашылі перадаць камбінат больш моцнай структуры. Мяркуецца, што «Дзяржынскі» атрымае патрэбную яму сыравінную базу і адначасова будзе займацца аздараўленнем праблемнага завода. Пры гэтым пакуль не вызначана, што будуць рабіць з запазычанасцямі прадпрыемства.
На той жа нарадзе абмяркоўвалі і праблемы цэментнай галіны. Лукашэнка раскрытыкаваў новыя прапановы ўрада па рэструктурызацыі даўгоў, нагадаўшы, што раней ужо праводзілася маштабная мадэрнізацыя заводаў за вялікія грошы, а пагашэнне запазычанасці было расцягнута да 2049 года. Ён адзначыў, што, нягледзячы на гэта, галіна дагэтуль не цалкам забяспечвае ўнутраны рынак, а цэмент на экспарт прадаецца значна танней, чым унутры краіны.
Крытыку выклікала і прапанова фінансавай падтрымкі Светлагорскага цэлюлозна-кардоннага камбіната. Гаворка ішла пра тое, каб залічыць яго плацяжы ў фонд нацыянальнага развіцця ў кошт пагашэння крэдытаў. Аднак, паводле ацэнак, частка гэтых сродкаў існуе толькі на паперы і не падмацавана рэальнымі грашыма.
У выніку дакументы па гэтых пытаннях вырашылі дапрацаваць. Урад адзначыў, што ў найбліжэйшы час могуць быць прынятыя новыя рашэнні, у тым ліку больш сістэмныя падыходы да фінансавання праз дзяржаўныя фонды.
Агракамбінат «Дзяржынскі» паглынуў Слуцкі мясакамбінат
Агракамбінат «Дзяржынскі» працягвае пашырацца, далучае «Мінскі мясакамбінат»
Лукашэнка раней еў нанач каўбасу, а цяпер ужо не можа
За тры гады ў Беларусі ўтрая павялічылі вытворчасць індычаціны
Скандальныя катлеты з грузінскай крамы аказаліся сапраўды беларускімі. «Дзюбаў, лап і хвастоў» унутры не знайшлі
Цяпер чытаюць
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»32
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
По факту: красивая цифирь бумажной отчётности и статистики, но с плавным переходом к тотальному убытку всей страны.
Называется это - проеданием задела поколения дедов и отцов и проеданием будущих, и будущего, поколении детей и внуков.
Лукашу и лукашистам главное сегодня хапнуть и растянуть хапание на столько, на сколько это возможно, а потом, после лукаша и лукашистов, - хоть потоп...
Большей гадости я не пробовал, чем "продукция" этого прадпрыемства!