У МЗС патлумачылі, чаму беларуску не пусцілі ў Лаос, нягледзячы на бязвізавы рэжым
У Міністэрстве замежных спраў Беларусі патлумачылі сітуацыю з беларускай, якая ў пачатку года паведаміла, што яе памежнікі не пусцілі ў Лаос, хоць перад тым паміж краінамі было заключана пагадненне пра бязвізавы рэжым.
Як паведамляе МЗС, лаоскі бок афіцыйна пацвердзіў: пагадненне аб бязвізавых паездках паміж краінамі дзейнічае ў поўным аб’ёме, і праблема не была звязаная з яго «няведаннем» памежнікамі ці што пагадненне «не працуе».
Высветлілася, што жанчына мела не адзін, а два пашпарты — беларускі і нідэрландскі. Пры вылеце з Малайзіі яна прайшла кантроль па нідэрландскім дакуменце, а ўжо пры ўездзе ў Лаос падала беларускі пашпарт, каб скарыстацца бязвізавым рэжымам.
Але гэта супярэчыць правілам іміграцыйнага кантролю ў Лаосе. Паводле мясцовых законаў, калі чалавек выкарыстоўвае адзін пашпарт пры выездзе з краіны, то ён павінен выкарыстоўваць той жа самы дакумент і пры ўездзе ў наступную краіну. Менавіта гэта неадпаведнасць і стала прычынай адмовы, а не праблемы з бязвізам як такім.
У МЗС Беларусі падкрэслілі, што пагадненне працуе, але патрабуе дакладнага выканання правіл. Беларусам, якія плануюць паездкі ў Лаос, параілі проста ўважліва афармляць дакументы, каб пазбягаць падобных сітуацый.
Беларуску не пусцілі ў Лаос па бязвізе, бо пра яго не ведалі
Танны аналаг Егіпта. Беларуска расказала, як адпачыла ў Камбоджы
Беларусь ёсць сярод краін, грамадзянам якіх амерыканцы не будуць выдаваць іміграцыйныя візы
Беларусь адкрые ў КНДР пасольства і пачне дамаўляцца пра бязвіз
Беларусь і Аман увялі бязвізавы рэжым
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»37
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары