У Мінску плануюць ліквідаваць Нацыянальны цэнтр сучаснага мастацтва — дзяржаўную культурную ўстанову, якая працавала больш за дзесяць гадоў і была адной з ключавых пляцовак сучаснага мастацтва ў краіне, піша Reform.news.
Спачатку ў інстаграме інстытуцыі з’явілася паведамленне пра «апошнюю» акцыю Ноч музеяў, якую ладзіць установа. Дзве крыніцы з культурніцкіх колаў пацвердзілі Reform.news, што цэнтр працягне працу толькі да восені. Пасля гэтага каля 50 супрацоўнікаў могуць страціць працу.
Частку маёмасці ўстановы пераразмяркуюць: фонды НЦСМ і пляцоўка на вуліцы Якуба Коласа будуць перададзены Нацыянальнаму мастацкаму музею, а памяшканні на вуліцы Някрасава — Беларускай дзяржаўнай акадэміі мастацтваў.
У неафіцыйных каментарыях адзначаецца, што закрыццё можа быць звязана з пераразмеркаваннем культурных плошчаў і ўплывам новага кіраўніка Саюза мастакоў Андрэя Васілеўскага, а таксама зацікаўленасцю асобных структур у будынках і рэсурсах цэнтра.
Сам Нацыянальны цэнтр сучаснага мастацтва быў створаны ў 2015 годзе шляхам аб’яднання дзвюх папярэдніх інстытуцый: Творчых Майстэрняў «Цэнтр Сучасных Мастацтваў» і дзяржаўнай установы «Музей сучаснага выяўленчага мастацтва». За час існавання ён стаў важнай платформай для сучаснага мастацтва ў Беларусі.
Цэнтр займаўся падтрымкай эксперыментальных праектаў у выяўленчым, тэатральным і музычным мастацтве, працаваў з маладымі мастакамі і куратарамі, а таксама ўдзельнічаў у міжнародных праектах, у тым ліку ў арганізацыі нацыянальных павільёнаў Беларусі на Венецыянскім біенале і іншых буйных арт-падзеях.
Рудая кошка, якая стала талісманам музея ў Віцебску, цяпер сустракае наведвальнікаў разам з кацянятамі ФОТЫ
У Віцебску праходзіць выстава гравюр і літаграфій па матывах творчасці Рафаэля
На будынку новага Нацыянальнага гістарычнага музея з'явіліся гарэльефы. Што на іх?
На Венецыянскім біенале вырашылі сёлета зноў адкрыць расійскі павільён. Еўрасаюз пагражае адклікаць фінансаванне
Цяпер чытаюць
Будучы крэдыт пад 1% на новабудоўлі абрастае падрабязнасцямі. Як зменіцца рынак нерухомасці?2
Будучы крэдыт пад 1% на новабудоўлі абрастае падрабязнасцямі. Як зменіцца рынак нерухомасці?
І пра рэальных бандытаў, і пра крыварукага Косцю-плітачніка, і пра сэкс у цягніку. Журналістка з Гомеля напісала кнігу — чытаць яе страшна і смешна1111
Каментары
Больше, ни лукашу, ни лукашистам, не надо....