Памерлым мужчыну і жанчыне было каля 30—35 гадоў.
Ілюстрацыйнае фота: AP Photo Mindaugas Kulbis, File
У Вілкавішскім раёне былі знойдзены двое мёртвых, магчыма, нелегальных мігрантаў, паведаміла паліцыя ў пятніцу. Памерлым мужчыну і жанчыне было каля 30—35 гадоў, паведамляе BNS.
У зводцы паліцыі адзначаецца, што целы былі знойдзены ў лесе каля Рукштэняў без знешніх прыкмет гвалту.
На месцы здарэння таксама былі затрыманыя яшчэ восем нелегальных мігрантаў без дакументаў, якія пацвярджаюць асобу. Двое чалавек былі дастаўленыя ў бальніцу для агляду. Пазней усе мігранты былі перададзены памежнікам.
Прадстаўнік паліцыі Рамунас Матоніс паведаміў, што памерлыя таксама не мелі дакументаў і з выгляду былі мігрантамі.
Прадстаўнік Дзяржаўнай службы аховы мяжы (VSAT) Гедрус Мішуціс паведаміў BNS, што ёсць падазрэнні, што мігранты трапілі ў Літву з Латвіі, куды, у сваю чаргу, прыйшлі з Беларусі.
«Плануецца, што яны трапяць у Цэнтр рэгістрацыі замежнікаў, а пасля збору доказаў і фактаў латвійскі бок павінен будзе прыняць іх назад», — сказаў Мішуціс.
Паводле яго слоў, мігранты прадстаўляліся грамадзянамі Эфіопіі, Алжыра, Егіпта, Емена і Эрытрэі.
Як адзначыў прадстаўнік VSAT, у апошнія месяцы з Беларусі ў Латвію нелегальна прыбывае значна больш мігрантаў. Пазней многія з іх, як мяркуецца, спрабуюць трапіць у Заходнюю Еўропу праз Літву і Польшчу. Паводле яго, змяніўся і спосаб транспартавання мігрантаў.
Цяпер чытаюць
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»32
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары