На відэа знялі, як дзяржсакратар ЗША стаіць за пультам.
Марка Рубіа злева. Скрыншот відэа
Дзяржаўны сакратар ЗША Марка Рубіа пабыў вясельным дыджэем.
«Толькі што, за кулісамі — наш выдатны дзяржаўны сакратар Марка Рубіа таксама працуе дыджэем на вяселлях! Вось ён сёння ў дзеянні на сямейным вяселлі… Пагналі!!!» — напісаў у X намеснік кіраўніка апарата Белага дома Дэн Скавіна і выклаў відэа з сямейнага вяселля.
Рубіа на відэа стаіць побач з іншым мужчынам за дыджэйскім пультам і прыціскае навушнікі да вуха.
Прэзідэнт ЗША Дональд Трамп вядомы тым, што сам выступае дыджэем на сваіх вечарынах у Мар-а-Лага, піша New York Post. Нядаўна ён прызнаўся, што яго жонка не любіць, калі ён пачынае танцаваць і кажа, што гэта не па-прэзідэнцку.
Каментары