Najbolš imaviernym vynikam zaviaršeńnia kanfliktu va Ukrainie nazvali «finski scenar»
Najhoršy ź imaviernych vynikaŭ ličać «biełaruskim scenarom».
Najbolš vierahodnym vynikam zaviaršeńnia kanfliktu va Ukrainie źjaŭlajecca «finski scenar», zajavili ŭ JPMorgan, piša RBK.
Ekśpierty ličać, što padčas pieramovaŭ Ukrainie daviadziecca pajści na «balučyja sastupki»: stracić kala 20% svajoj terytoryi, abviaścić niejtralitet i abmiežavać mahčymaści svaich uzbrojenych sił.
«U ciapierašnich umovach urehulavańnie šlacham pieramoŭ moža adbycca ŭžo sioleta», — zajavili ŭ JPMorgan.
Taksama JPMorgan razhladaje mahčymaść jašče čatyroch scenaroŭ raźviazańnia kanfliktu:
Ź vierahodnaściu 5%, na dumku analitykaŭ, moža nastupić «paŭdniovakarejski scenar», jaki praduhledžvaje členstva Ukrainy ŭ NATO abo harantyi biaśpieki z boku ZŠA, a taksama prysutnaść u krainie jeŭrapiejskich miratvorčych sił.
Ź vierahodnaściu 10%, pavodle acenak śpiecyjalistaŭ, mahčymy «izrailski scenar». Jon praduhledžvaje mocnuju i doŭhaterminovuju padtrymku z boku ZŠA biez prysutnaści zamiežnych vojskaŭ, što pieratvaryła b Ukrainu ŭ dobra ŭmacavanuju dziaržavu, «zdolnuju samastojna strymlivać Rasiju».
«Hruzinski scenar», na dumku analitykaŭ, mahčymy ź vierahodnaściu 30%. Jon praduhledžvaje niestabilnaść, zapavoleńnie ekanamičnaha rostu i adnaŭleńnia pry adsutnaści zamiežnych vojskaŭ i nadziejnych harantyj biaśpieki, a taksama faktyčnuju admovu ad ustupleńnia ŭ ES i NATO.
«Najhoršym» scenarom (5%) analityki nazyvajuć «biełaruski».
Kali ZŠA admoviacca ad padtrymki Ukrainy, a Jeŭropa nie zmoža heta kampiensavać, to Rasija «pieratvoryć krainu va vasalnuju dziaržavu Maskvy», śćviardžajecca ŭ dakładzie.
Ciapier čytajuć
Kamandujučy Siłami bieśpiłotnych sistem Ukrainy vystupiŭ ź biesprecedentnymi pahrozami na adras Alaksandra Łukašenki, jakoha nazvaŭ «haŭlajtaram»24
Kamandujučy Siłami bieśpiłotnych sistem Ukrainy vystupiŭ ź biesprecedentnymi pahrozami na adras Alaksandra Łukašenki, jakoha nazvaŭ «haŭlajtaram»
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie4848
Kamientary