Спецыялісты папярэдзілі пра рызыку выбуху тушы кіта Цімі каля датскага вострава. Ён проста можа лопнуць
Дацкія ўлады заклікаюць людзей не падыходзіць да тушы.
Туша гарбатага кіта Цімі, якую вынесла на востраў Анхольт, працягвае разбухаць з-за газаў, якія ўтвараюцца пры разлажэнні.
«Нельга дакладна сказаць, калі такая жывёла лопне. Гэта залежыць ад многіх фактараў, у тым ліку ад тэмпературы паветра і ступені разлажэння. Але ён лопне», — заявіла Bild эксперт Нямецкага марскога музея ў Штральзундзе Альмут Ноймайстэр.
Па яе словах, пры выбуху небяспеку ўяўляюць не толькі кавалкі плоці, але і бактэрыі.
Дацкі даследчык кітоў Петэр Тэгльберг Мадсен сказаў Spiegel, што можа ісці гаворка пра «кілаграмовыя кавалкі мяса, якія могуць забіць».
Акрамя таго, побач з тушай можна заразіцца інфекцыямі, уключаючы грып, краснуху, таксаплазмоз і бруцэлаёз. Асабліва рызыкуюць людзі, якія падыходзяць да кіта без аховы.
Спецыялісты павінны спачатку выпусціць з тушы газы. Мадсен параўнаў гэта з раззарадкай бомбы. Для працэдуры выкарыстоўваюць спецыяльны нож з кіталоўства: толькі эксперты ведаюць, дзе трэба праколваць тоўсты пласт тлушчу, каб газы выйшлі кантралявана.
Дацкія ўлады заклікаюць людзей не падыходзіць да тушы.
Каментары