Да бацькоў аднаго з выпускнікоў, якія пражываюць у буйным горадзе, прыйшлі два чалавекі, што прадставіліся супрацоўнікамі КДБ.
Крыніца Mayday team падзялілася, як у яе знаёмых прайшоў вобшук па крымінальнай справе за супрацоўніцтва з Еўрапейскім гуманітарным універсітэтам.
Да бацькоў аднаго з выпускнікоў, якія пражываюць у буйным горадзе, прыйшлі два чалавекі, што прадставіліся супрацоўнікамі КДБ. Пры гэтым ніякіх дакументаў яны не паказалі, а імёны і прозвішчы называць адмовіліся.
Бацькам адразу далі зразумець, што вобшук праводзіцца ў межах крымінальнай справы за супрацоўніцтва з «экстрэмісцкім фармаваннем» (арт. 361 КК РБ). Прычынай стаў выпуск іх дзіцяці пасля навучання ў ЕГУ.
Сам вобшук праходзіў у спакойнай манеры, вёўся адпаведны пратакол. Аднак пасля заканчэння аператыўнага дзеяння ніякія дакументы на рукі бацькам выдадзеныя не былі.
Акрамя таго, сілавікі запатрабавалі, каб выпускнік даслаў ім у электронным выглядзе копію дыплома, які пацвярджае заканчэнне навучання ва ўніверсітэце — у такім выпадку малады чалавек нібыта пазбегне пакарання.
Учора стала вядома, што па ўсёй Беларусі пракацілася хваля вобшукаў у сваякоў людзей, якія вучыліся ў ЕГУ. Гэта стала працягам рэпрэсіўнай палітыкі ўладаў у дачыненні да ВНУ: у сярэдзіне красавіка 2026 года Вярхоўны суд краіны ўнёс ЕГУ ў спіс так званых «экстрэмісцкіх фармаванняў».
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5555
Каментары
Придет время когда колхозное кгб будет признано террористической организацией. Вот тогда повеселимся!