Стала вядома, якога святара-стараабрадца затрымалі ў Пастаўскім раёне
На мінулым тыдні ў Куклянах проста падчас богаслужэння быў затрыманы грамадзянін Літвы, які называў сябе духоўным настаўнікам мясцовай стараабрадніцкай грамады. Яму пагражае дэпартацыя.
Гэта Міхаіл Рыбакоў — настаўнік Пералазскай дрэўля-праваслаўнай стараабрадніцкай грамады ў Літве, піша «Хрысціянская візія».
Рыбакоў — вядомая фігура ў стараабрадніцкім свеце краін Балтыкі. Ён дзесяцігоддзямі кіраваў Пералазскай грамадай у Ёнаўскім раёне Літвы і абараняў яе незалежнасць ад Літоўскай стараабрадніцкай царквы ў судах аж да Вышэйшага адміністрацыйнага суда. Грамада пазіцыянуе сябе як беспапоўскую духоўную іерархію.
Затрыманне выклікала абурэнне сярод мясцовых вернікаў, адна з прыхаджанак на публікацыю раённай газеты пра затрыманне рэзка адказала: «Напісана хлусня. Чаму не напісалі, колькі Чалавек зрабіў для людзей, прыбраў Маленную, прывёў у парадак, спрабаваў выкупіць стары дом, каб можна было яго аднавіць і перадаць для грамады». Яна таксама адзначыла, што выканкам «ні на грам не дапамог словам або справай».
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары