Павел Севярынец у сваім тэлеграм-канале напісаў, што прачытаў новую кнігу Міколы Дзядка «Апавяданні з кішэняў» і падзяліўся ўражаннямі ад яе.
«Кішэнямі ў Гродзенскай крытай турме называлі закуткі з цеснымі, 2х1.4 метра, камерамі-трунамі.
Мікола Дзядок прасядзеў там сем месяцаў пад найдзічэйшым прэсам: «спецыяльна абучаныя» сексоты ў суседніх камерах удзень і ўначы раўлі, білі ў сцены ды трубы міскамі ды кубкамі, каб давесці Міколу да вар’яцтва ці самагубства.
Кніга — не проста турэмны расповед у стылі «і я там быў», а дакументальнае, з прозвішчамі і нават фотамі, сведчанне ашаламляльных катаванняў, якія практыкаваліся ў Гарадзенскай.
Уся турма ўвосені 2023 года чула, як «працавалі» над Дзядком.
Мікола трымаўся узорна, сведчу сам, бо колькі разоў перасякаўся і сядзеў побач з ім у гарадзенскім ШІЗА. Але чаго гэта яму каштавала — можна даведацца толькі тады, калі прачытаць «Апавяданні з кішэняў».
Асабліва раю прачытаць кнігу тым, хто вядзе кампанію цкавання Міколы тут, у вольным свеце. Для чаго прачытаць? Для таго, каб зразумелі: Бог так рыхтаваў і гартаваў Міколу, што ніякім «хэйтам» альбо «кэнсэлінгам» яго не ўзяць.
Як і ўсякая кніга-факт, «Апавяданні» напісаныя простай і яснай мовай, з дакладнай фіксацыяй падзеяў, думак і дыялогаў.
І калі-небудзь на нашым Нюрнбергскім трыбунале беларускі пракурор падымецца за сваім сталом, выпрабавальна зірне на лаву падсудных і, трымаючы ў руцэ «Апавяданні з кішэняў», на чыстай беларускай мове агалосіць: Доказ нумар такі і такі. Сведчанне Мікалая Дзядка», — напісаў Павел Севярынец.
Мікола Дзядок расказаў, як сукамернік-крымінальнік зрабіў яго беларускамоўным
«Ні тады, ні сёння я не лічу, што зрабіў штосьці кепскае». Дзядок шчыра расказаў пра былыя адносіны з 16‑гадовай дзяўчынай
Дзядок расказаў, як паводзіў бы сябе ў сённяшняй Беларусі і што будзе далей
Мікола Дзядок выпусціў кнігу пра гродзенскую турму
Першага намесніка гендырэктара «Белвеста» пасадзілі на тры з паловай гады за палітыку5
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары
- У Вільні у краме "Кропка"
- У Варшаве ў Цэнтры беларускай салідарнасці (ЦБС)
- У маёй інтэрнэт-краме на маркетплэйсе "Камароўка" https://kamarouka.com/krama/radix-lab/