У Белай-Падляшскай сярод белага дня стрэламі ва ўпор забілі расійскага карыкатурыста Сямёна Скрапецкага. У свой час ён падтрымаў беларускія пратэсты. У сваіх карыкатурах мастак востра крытыкаваў Аляксандра Лукашэнку.
Сямён Скрапецкі (сапраўднае імя — Роберт Кузаўкоў) — вядомы мастак-карыкатурыст, ураджэнец Алтая. Мастак набыў вядомасць дзякуючы сваім вострым сатырычным партрэтам і карыкатурам на палітычных лідараў, у тым ліку на Уладзіміра Пуціна, Рамзана Кадырава, Аляксея Навальнага.
Сярод аб'ектаў яго ўвагі быў і Аляксандр Лукашэнка.
Напад быў здзейснены 15 чэрвеня: забойца некалькі разоў стрэліў у мастака з блізкай адлегласці. Выратаваць Скрапецкага не змаглі.
Паводле звестак СМІ, у нападзе маглі ўдзельнічаць двое злачынцаў. Згодна з неафіцыйнай інфармацыяй, паліцыя затрымала каля будынка консульства Беларусі ў горадзе Белая-Падляшская грамадзяніна Беларусі. Ці мае ён дачыненне да забойства, афіцыйных паведамленняў няма.
У дзень нападу мастак пісаў, што яму пагражаюць «рускія патрыёты», якія абяцаюць, што «Кадыраў сам асабіста, на загад Пуціна, згвалціць» яго.
Цяпер чытаюць
Пасля беларускай вёскі Шнайдэраў больш не бянтэжыць пытанне ЛГБТ. Сям'я з Германіі, якая стала героямі прапаганды, вяртаецца ў ЕС28
Каментары
Если средь бела дня убивают художника
* выпрацаваны непаўторны стыль - не кожнаму ўдаецца,
* здаровая тэматыка - акрамя беларускай, куды яму лезці не варта было,
* вынаходлівасць - картыны элементарна арыгінальныя, іх цікава разглядваць.