Арганізатары Уімблдона-2026 пацвердзілі, што ўдзельнікі гэтага прэстыжнага тэніснага турніру па-ранейшаму не змогуць прыводзіць на тэрыторыю спаборніцтваў сваіх хатніх гадаванцаў, піша Championat.com.
Гэтае правіла дзейнічае ўжо шмат гадоў і распаўсюджваецца як на гледачоў, так і на тэнісістаў. Выключэнне робіцца толькі для службовых сабак: сабак-павадыроў, памочнікаў для людзей з парушэннямі слыху або рухомасці, сабак, якія дапамагаюць пры эпілепсіі, аўтызме і іншых медыцынскіх станах.
Дырэктар Усеанглійскага клуба лаўн-тэніса і кракету Салі Болтан адзначыла, што гэта не новая забарона і яна не павінна стаць нечаканасцю для гульцоў. Нават знакамітыя спартсмены раней сутыкаліся з гэтым правілам. Так, у 2025 годзе легендарнай тэнісістцы Марціне Наўрацілавай не дазволілі зайсці ў рэстаран на тэрыторыі Уімблдона разам з яе сабакам Лулу.
Тэма сабак на турнірах зноў стала папулярнай пасля таго, як расійская тэнісістка Міра Андрэева пасля перамогі на «Ралан Гарос» у 2026 годзе сфатаграфавалася з кубкам і сабакам сваёй трэнеркі Канчыты Марцінэс — мальтыпу па мянушцы Луна. Андрэева расказвала, што вельмі любіць сабак і была радая падзяліць гэты асаблівы момант з Лунай, хоць гэта была не яе ўласная жывёліна. Свайго сабаку Рэсі яна прывезці ў Парыж не змагла.
Першая ракетка свету, беларуска Арына Сабаленка таксама часта падарожнічае са сваім шчанюком Эшам. На «Ралан Гарос» у 2026 годзе сабака нават атрымаў уласную акрэдытацыю на турнір.
Тэнісістка прызнала, што падарожжы з жывёлай бываюць складанымі, асабліва праз недахоп зручных месцаў для выгулу ў цэнтрах гарадоў, але адзначыла, што Эш спакойны, разумны і добра прыстасоўваецца да новых умоў.
Іншыя тэнісісты таксама нярэдка прыязджаюць на спаборніцтвы са сваімі ўлюбёнцамі. Аднак далёка не ўсе спартсмены падтрымліваюць вялікую колькасць жывёл на турнірах. Амерыканская тэнісістка Мэдысан Кіз расказала пра выпадак, калі адзін з сабак зрабіў лужыну ў зоне адпачынку гульцоў, а гаспадар не прыбраў за ім. Яе падтрымала іншая амерыканка Дэзірэ Краўчык, якая таксама любіць сабак, але лічыць, што ўладальнікі павінны больш адказна сачыць за паводзінамі сваіх гадаванцаў.
Уімблдон-2026 пройдзе з 29 чэрвеня па 12 ліпеня.
Сабаленка пахвалілася акрэдытацыяй на «Ралан Гарос» для свайго сабакі
Арына Сабаленка паказала свайго новага хатняга гадаванца ФОТЫ
У Сабаленкі зменшыўся адрыў у сусветным рэйтынгу
Сабаленка расказала, ці будзе мяняць прозвішча пасля вяселля
Сабаленка адказала на папрокі, што яна, уся ў брыльянтах, патрабуе падвысіць прызавыя
Цяпер чытаюць
Пальчыс заклікаў не перапісваць гісторыю 2020 года: Не шукайце лжывых версій мінулага29
Пальчыс заклікаў не перапісваць гісторыю 2020 года: Не шукайце лжывых версій мінулага
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
[Зрэдагавана]