У Мінскай вобласці з канца мая жыхары заўважылі анамальнае нашэсце жукоў, якія знішчаюць расліны.
У адным з відэа ў тыктоку жыхарка Дзяржынскага раёна скардзіцца, што жукі абляпляюць сцены дамоў і лезуць унутр. Яна мяркуе, што іх стала шмат з-за апрацоўкі палёў побач.
Деревню Добринево, Речки, Скворцы Дзержинского района, Минской области после обработки близлежащих полей заполонили жуки долгоносики. Вредители на своем пути уничтожают клубнику,малину,ежевику,цветы.Так же облепили стены домов и лезут внутрь.Жители беспомощны в их уничтожении,так как все препараты малоэффективны.А виновники "торжества", с чьих полей пришли эти твари, разводят руками и говорят справляться самим.Со слов ведающих аграриев,отравы в рб от них нет.
Гэтыя жукі — ліставы люцэрнавы скасар.
На актыўнасць жукоў у гэтым сезоне найхутчэй паўплывала анамальна снежная зіма, кажуць беларускія навукоўцы. Насякомыя паспяхова яе перажылі.
«Было добрае снежнае покрыва, шкоднікі не вымерзлі, выйшлі з зямлі і мігрыруюць»,— расказала на «Беларусь 1» начальніца аддзела Мінскай абласной інспекцыі па насенняводстве, каранціне і абароне раслін Вікторыя Козак.
Яна параіла, што рабіць дачнікам.
«Лепш выкарыстоўваць розныя прэпараты, якія зарэгістраваны ў дзяржаўным рэестры сродкаў абароны раслін і ўгнаенняў, якія ёсць у адкрытым доступе. А таксама выкарыстоўваць глыбокае ўзворванне, каб можна было жукоў глыбей адправіць у глебу, каб у іх было менш магчымасці потым з'явіцца».
Цыкл развіцця новых пакаленняў у гэтага віду жукоў усяго раз у два гады.
Бліжэй да жніўня з кукалак выйдуць маладыя жукі. Але яны застануцца ў глебе да красавіка — пачатку мая наступнага года.
Ці маглі гэтыя жукі міграваць з суседніх рапсавых палёў з-за іх апрацоўкі хімікатамі? Навукоўцы кажуць, што не: гэты від насякомых зусім абыякавы да рапсу — ён паядае бабовыя культуры.
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі13
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары