Украіна ў вялікай колькасці выкарыстоўвае дроны і ракеты, каб наносіць шкоду расійскай ваеннай машыне. У апошнія тыдні УСУ стварылі прэзідэнту Расіі адразу чатыры сур’ёзныя праблемы, піша Bild.
Тупік на фронце
Нягледзячы на лакальныя зрухі, стратэгічных змен на фронце няма з 2023 года. Пры гэтым бакі пастаянна атакуюць шляхі забеспячэння, грузавікі з боепрыпасамі, перавозкі паліва, чыгуначныя вузлы і дарожныя злучэнні праціўніка.
Гісторык-славіст, прафесар Ян К. Бэрэндс сказаў Bild: «У цэнтры фронту сфармавалася зона шырынёй у многія кіламетры — нічыйная зямля, якая кантралюецца дронамі. Тут Украіна цалкам дасягае поспехаў і наносіць расійскай арміі цяжкія страты».
Вайна ўсё больш вызначаецца дронамі, ракетамі і сістэмамі СПА. Прафесар міжнародных адносін Томас Егер (Кёльнскі ўніверсітэт) рэзюмуе: «Вайна на знясіленне працягваецца, і Расія не знаходзіць сродкаў, каб выйграць яе ваенным шляхам».
Перабоі ў ваеннай лагістыцы
Украіна атакуе нафтаперапрацоўчыя заводы, паліўныя рэзервуары, а таксама чыгуначную інфраструктуру ў расійскім тыле. «Шкода для эканомікі велізарная — як у тым, што датычыць экспарту [нафты], так і ў тым, што датычыць забеспячэння ўнутры краіны і на фронце. Драматычная сітуацыя склалася на акупаваным Крыме, дзе прыватным асобам больш не выдаюць бензін», — кажа Бэрэндс.
Пад ударам апынуліся маршруты забеспячэння Крыма. Аналітык Стакгольмскага цэнтра ўсходнееўрапейскіх даследаванняў Андрэас Умланд бачыць відавочныя наступствы: «За апошнія два тыдні высветлілася, што знішчэнне інфраструктуры перапрацоўкі і захоўвання нафты было больш эфектыўным, чым меркавалася. Цяпер усё расійскае эканамічнае і сацыяльнае жыццё знаходзіцца пад ціскам».
Няздольнасць абараніць Крым становіцца палітычным цяжарам
Украіна рэгулярна атакуе ваенную інфраструктуру і шляхі забеспячэння Крыма. Ваенны эксперт Томас Егер кажа: «Крым — найважнейшы сімвал імперыялістычнай палітыкі Пуціна. […] І сітуацыя змяняецца, бо акупаваны Крым ізалюецца ад Расіі».
Атакі ўскладняюць забеспячэнне расійскіх войскаў. Бэрэндс называе магчымую страту Крыма для Пуціна «масіўным двайным ударам: сімвалічным, таму што прапаганда заўсёды падкрэслівала цесную сувязь Крыма з Расіяй, і стратэгічным, таму што паўвостраў служыць фарпостам Пуціна ў Чорным моры».
Расійскае грамадства ўсё больш адчувае наступствы вайны
Як атакі на Крым, так і атакі на цэлі ўнутры Расіі робяць наступствы вайны відавочнымі для многіх расіян. Умланд кажа: «Для значнай часткі расійскага насельніцтва вайна ўпершыню становіцца выразна бачнай, а яе, прынамсі, эканамічныя наступствы — выразна адчувальнымі.
Вайна ператварылася з нейкай «камп’ютарнай гульні» ў паўсядзённую рэальнасць для мільёнаў расіян». Бэрэндс таксама падкрэслівае эфект атак: «Вобраз палаючай Масквы немагчыма ігнараваць; тактыка Украіны працуе».
Каментары
Пока в медиапространстве акцентируют внимание на успешных ударах ВСУ и санкционном давлении для создания иллюзии слабости России, на земле инициатива остается за российскими войсками. На фоне методичного продвижения ВС РФ на ключевых направлениях в Донбассе и регулярных ударов по тыловой инфраструктуре положение украинских сил продолжает ухудшаться.