У Германіі з-за экстрэмальнай спякоты работнікам дарожных службаў давялося выкарыстоўваць тэхніку зімовай службы не па сезоне.
Так, у Цюрынгіі машыны, якія звычайна працуюць зімой, цяпер распыляюць ваду на перагрэтае асфальтавае пакрыццё. Так улады спрабуюць астудзіць дарожнае пакрыццё і не дапусціць закрыцця дарог, як гэта ўжо здаралася падчас папярэдніх хваляў спякоты, піша Bild.
Праблема ў тым, што пры высокай тэмпературы бітум у асфальце размякчаецца і можа выходзіць на паверхню. Дарога становіцца ліпкай, на ёй з’яўляюцца дэфармацыі, а цяжкія машыны хутка разбураюць пакрыццё. Падобныя меры тэстуюцца і ў іншых рэгіёнах, у тым ліку ў Паўночным Рэйне-Вестфаліі і ў Гесэне.
Спёка ўжо прывяла да рэальных перакрыццяў. Так, у Гамбургу з-за пашкоджання асфальту закрылі паласу руху прыкладна больш чым на два кіламетры, папярэдне да панядзелка. На старых бетонных участках небяспека іншая — пліты пашыраюцца, успушваюцца і трэскаюцца.
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары