Беларусы ўсім Threads прапануюць дапамогу пацярпелым жыхарам Леніна, 9
Пераезд, прыбіранне, рамонт — трэдчане робяць пераклічку, хто чым хоча дапамагчы пацярпелым ад пажару жыхарам Леніна, 9.
Адна з карыстальніц сацсеткі звяла ў адзін пост усе прапановы аб дапамозе і дадала: «Няхай дапамога прыйдзе да кожнага, хто ў ёй мае патрэбу», заўважыў Onliner.
Сярод неабыякавых трэдчан адзначыліся індывідуальныя прадпрымальнікі і кампаніі. Агенцтва нерухомасці гатова аказаць дапамогу паслугамі-кансультацыямі, а таксама рэчамі: адзеннем і абуткам для дарослых і дзяцей, пасцельнай бялізнай, ручнікамі, посудам, прадметамі асабістай гігіены.
Малады чалавек, які назваўся ўладальнікам невялікай кампаніі па рамонце кватэр і камерцыйнай нерухомасці, напісаў:
— Гатовы дапамагчы ўсім, хто пацярпеў ад гэтага жаху. Не бясплатна, а з вялікай зніжкай, ну а штосьці і бясплатна — электрыка, сантэхніка, падлогі.
Яшчэ адна дзяўчына прапанавала пацярпелым псіхалагічную дапамогу як валанцёр: «Не магу быць безудзельнай».
— На сувязі гітарная майстэрня. Калі мы можам вам неяк дапамагчы, напішыце, — пакінулі пост хлопцы.
Клінінгавая кампанія, у сваю чаргу, прапанавала бязвыплатную дапамогу адной з кватэр, якая пацярпела ад пажару. Грузаперавозчыкі таксама не змаглі застацца ўбаку і абяцаюць дапамагчы з перавозкай рэчаў, мэблі ці іншай маёмасці — з вялікай зніжкай, а штосьці і бясплатна.
Акрамя таго, карыстальнікі выклікаліся арганізаваць дапамогу жыльцам і просяць дапамагчы з кантактамі пацярпелых людзей.
Вось як выглядае дах дома на вуліцы Леніна ў Мінску пасля вялікага пажару ФОТАФАКТ
Пажар патушылі, але кватэры залілі. Спецыялісты пра тое, як ацаніць шкоду
Як выглядаюць кватэры ў доме ў цэнтры Мінска пасля пажару ФОТЫ, ВІДЭА
«Мы ў шоку і разгубленасці». Што адбываецца на месцы пажару ў доме ў цэнтры Мінска
Ужо амаль пяць гадзін пажарнікі не могуць згасіць пажар на гістарычным будынку ў цэнтры Мінска
Цяпер чытаюць
Латвія «па тэхнічных прычынах» закрыла мяжу з Беларуссю14
Каментары
ЦЕна после "скидки" наверное будет обычной по рынку