У Беларусі маркетплэйсам забаранілі паказваць пакупнікам фалаімітатары і іншыя тавары для дарослых
Цяпер набыццё цацак катэгорыі 18+ ператварылася ў сапраўдны квэст. «Выйлдберыс» і «Азон» перасталі паказваць пакупнікам інтымныя тавары. Зняць блюр немагчыма нават калі пазначыць свой узрост.
Беларусы здзіўлены: буйнейшыя маркетплэйсы пачалі хаваць сэкс-тавары. На «Азоне» зняць блюр увогуле немагчыма, «Вайлдберыс» пакуль дае магчымасць пабачыць цацкі для дарослых, але толькі тым, хто яшчэ не абнавіў дадатак.
Абураныя людзі ўжо паспелі звярнуцца па каментар да маркет-плэйсаў. Ім адказалі, што па беларускім законе забаронена паказваць тавары сэксуальнага прызначэння. Абмежаванні распаўсюджваюцца толькі для карыстальнікаў з Беларусі і зняць іх не атрымаецца, нават калі пазначыць свой узрост.
Сапраўды, летась у правілы продажу тавараў пры ажыццяўленні дыстанцыйнага гандлю ўнеслі змяненні (пастанова ўрада ад 16.05.2025 № 268). Там з'явіўся пункт, згодна з якім прадстаўленне пакупніку інфармацыі аб прадукцыі сэксуальнага прызначэння дапускаецца толькі з указаннем тэкставых звестак аб тавары без дэманстрацыі якіх-небудзь графічных выяў і малюнкаў.
Але ж вынаходлівыя беларусы ўжо прыдумалі, як абысці забарону: калі пазначыць пункт вывазу ў некім расійскім горадзе, усе сэкс-тавары можна спакойна паглядзець.
Каментары