У Мядзельскім раёне знайшлі снарад часоў Першай сусветнай вайны
Небяспечны прадмет работнікі нацыянальнага парку «Нарачанскі» выявілі падчас правядзення работ па добраўпарадкаванні новай турыстычнай стаянкі «Студзянец» каля аграгарадка Занарач. Знаходку, падобную на снарад, яны перадалі ў міліцыю, паведамляе БелТА.
Для абясшкоджвання боепрыпасу на месца прыбыла сапёрная група. Спецыялісты ўстанавілі, што гэта артылерыйскі снарад калібру 76 мм, які выкарыстоўваўся падчас баявых дзеянняў Першай сусветнай вайны.
Нягледзячы на тое, што снарад доўгі час знаходзіўся ў зямлі і пакрыўся іржой, ён усё яшчэ заставаўся небяспечным.
Сапёры адзначылі, што любыя знойдзеныя боепрыпасы нельга чапаць або перамяшчаць — неабходна адразу паведамляць у міліцыю, каб спецыялісты маглі бяспечна іх ліквідаваць.
Таксама падчас такіх выездаў сапёры правяраюць прылеглую тэрыторыю, бо ў месцах, дзе раней ішлі баі, могуць знаходзіцца і іншыя снарады. З часам зямля можа выштурхоўваць на паверхню прадметы, якія дзесяцігоддзямі або нават стагоддзямі знаходзіліся пад зямлёй.
Цяпер чытаюць
Бабарыка зоймецца бізнэсам — ужо адкрыў кампанію ў Германіі8
Бабарыка зоймецца бізнэсам — ужо адкрыў кампанію ў Германіі
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу13
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары