Трамп назваў сітуацыю з прыпыненнем дыскваліфікацыі Балагуна самым запамінальным момантам мундыялю
«Мне давялося патэлефанаваць Інфанціна і даць яму параду», — сказаў прэзідэнт ЗША.
Трамп назваў сітуацыю з прыпыненнем дыскваліфікацыі Балагуна самым запамінальным момантам чэмпіянату свету па футболе.
«Мне давялося патэлефанаваць Джані [Джані Інфанціна — прэзідэнт ФІФА — НН] і даць яму параду. Я сказаў: «Джані, я раю дапусціць гэтага хлопца да гульні». Не, я такога не казаў — я сказаў, што хацеў бы падаць скаргу», — працягнуў Трамп, прызнаўшыся, што «паняцця не меў, што будзе пасля гэтага».
Што праўда, Інфанціна раней заявіў, што ФІФА самастойна прыняла рашэнне аб адмене дыскваліфікацыі амерыканскага футбаліста.
Паводле слоў кіраўніка арганізацыі, званок Трампа сапраўды адбыўся, аднак рашэнне па Фаларына Балагуне, як сцвярджаецца, было прынята самастойна.
Фаларын Балагун павінен быў быць дыскваліфікаваны пасля матчу 1/16 фіналу, калі ЗША згулялі з Босніяй і Герцагавінай, дзе форвард атрымаў чырвоную картку.
На 64‑й хвіліне ён наступіў на галёнку абаронцу баснійцаў Тарыку Мухарэмавічу. Спачатку суддзя не зафіксаваў парушэнне, але пасля прагляду VAR паказаў амерыканцу прамую чырвоную картку. Чырвоная картка прадугледжвае не толькі аўтаматычнае выдаленне ў гульні, але і пропуск наступнага матча
Але праз некалькі дзён ФІФА прыпыніла дзеянне дыскваліфікацыі, зрабіўшы яе ўмоўнай і прызначыўшы Балагуну выпрабавальны тэрмін працягласцю 12 месяцаў, што дазволіла амерыканскаму форварду трапіць у заяўку на матч 1/8 фіналу з Бельгіяй.
Трамп тады, выступаючы ў Белым доме, Трамп заявіў, што папрасіў ФІФА перагледзець пакаранне, паколькі, на яго думку, парушэння правілаў не было.
Выпадак быў беспрэцэдэнтны. За ўсю гісторыю чэмпіянатаў свету з 1930 года было паказана 188 чырвоных картак, і толькі адзін футбаліст раней пазбег наступнай дыскваліфікацыі. Гэта быў бразілец Гарынча на чэмпіянаце свету 1962 года — яшчэ да ўвядзення аўтаматычных адхіленняў.
У матчы з Бельгіяй Балагун выйшаў у стартавым складзе і правёў на полі 92 хвіліны, пакуль не быў заменены, а Бельгія выбіла ЗША з турніру.
Трамп пацвердзіў, што асабіста прасіў кіраўніка ФІФА не дыскваліфікоўваць форварда зборнай ЗША перад 1/8 фіналу
ФІФА адклала дыскваліфікацыю найлепшага бамбардзіра зборнай ЗША пасля званка з Белага дома
УЕФА рэзка крытыкуе ФІФА за допуск форварда ЗША да гульні на чэмпіянаце свету пасля чырвонай карткі
Цяпер чытаюць
Масавыя арышты афіцэраў прайшлі на авіябазе ў Мачулішчах — абвінавачваюць у сувязях з апазіцыяй8
Каментары