Стала вядомая асоба беларускі, якая загінула ў Батумі. Разам з ёй у перакуленым мікрааўтобусе была дачка
42‑гадовая мінчанка Алена Сахацкая загінула, а дачка трапіла ў бальніцу, дзе ёй ужо зрабілі аперацыю.
Алена — выпускніца БДУ. Працавала экспедытаркай у кампаніі «ІнтэрЭкс-Лагістык».
Жанчына не першы раз выбрала Грузію месцам для адпачынку. На жаль, гэтым разам ён скончыўся трагічна.
На скрыжаванні вуліц Гаргіладзэ і Важа-Пшавела ў Батумі мікрааўтобус з беларускімі турыстамі сутыкнуўся з легкавіком, які ўцякаў ад паліцыі, і перакуліўся. Некаторыя пасажыры пры гэтым павыляталі ў вокны.
У выніку аварыі, акрамя Алены, загінуў 63‑гадовы грамадзянін Беларусі Ігар. Яшчэ 12 чалавек з траўмамі сярэдняй і лёгкай ступеняў цяжкасці былі дастаўленыя ў мясцовыя бальніцы. Сярод іх і дачка-падлетак Алены.
Знаёмыя характарызуюць Алену выключна як «цудоўнага чалавека, добрую жонку і маці дзвюх дачок».
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары