У Мінску правялі ўрэзку ў трубаправод з гарачай вадой без адключэння спажыўцоў
У выніку работы, якія звычайна патрабуюць адключэння гарачага водазабеспячэння на восем гадзін, занялі менш за паўгадзіны.
Эксперыментальную ўрэзку ў трубаправод з гарачай вадой без адключэння спажыўцоў правялі 4 жніўня ў жылым доме па адрасе: вул. Бялецкага, 14/2, пішуць Мінск-навіны.
— Пакуль праводзім гэта ў якасці эксперыменту і адсочваем вынікі. Калі тэхналогія сапраўды пакажа сваю эфектыўнасць, будзем укараняць яе па ўсім горадзе. Такі падыход асабліва важны для сацыяльных аб'ектаў — бальніц, дзіцячых садкоў, радзільных дамоў, дзе неабходна выключыць верагоднасць адключэння спажыўцоў ад гарачага водазабеспячэння. Акрамя таго, ён будзе карысны і пры аварыйных сітуацыях. Тэхналогія дазваляе скараціць выдаткі, паменшыць выкарыстанне чалавечых рэсурсаў і час, неабходны для правядзення работ, — адзначыў намеснік старшыні Мінгарвыканкама Алег Корзун.
У выніку работы, якія звычайна патрабуюць адключэння гарачага водазабеспячэння на восем гадзін, занялі менш за паўгадзіны.
Нядаўна падобны эксперымент быў праведзены на ўчастку цеплатрасы, а цяпер — у жылым доме, для трубаправода з гарачай вадой.
— У гэтым доме сеткі цеплазабеспячэння і гарачага водазабеспячэння ўжо адпрацавалі свой нарматыўны тэрмін службы і падлягаюць замене. Каб выканаць гэтыя работы без адключэння спажыўцоў ад паслуг, мы выкарыстоўваем новую для нас тэхналогію. Работы прайшлі ў штатным рэжыме і былі паспяхова завершаныя, — расказаў дырэктар «Мінсккамунцепласеткі» Андрэй Вірачкін.
Падобныя тэхналогіі ўжо некалькі гадоў выкарыстоўваюць спецыялісты прадпрыемства «Мінгаз». «Мінсккамунцепласетка» вырашыла адаптаваць іх для работы на цеплавых сетках і сетках гарачага водазабеспячэння.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары