Трамп сказаў спонсарам, што бачыць Джэй Дзі Вэнса наступным прэзідэнтам ЗША
«У канчатковым рахунку, нам трэба абраць Джэй Дзі».
Прэзідэнт ЗША Дональд Трамп падчас прыватнай гутаркі з донарамі заявіў, што хацеў бы бачыць перамогу віцэ-прэзідэнта Джэй Дзі Вэнса на прэзідэнцкіх выбарах 2028 года, паведамляе The Washington Post спасылкай на дзве крыніцы.
«У канчатковым рахунку, нам трэба абраць Джэй Дзі», — прыводзіць выданне словы Трампа.
Паводле звестак WP, гэтая заява сведчыць пра гатоўнасць Трампа публічна падтрымаць Вэнса. Разам з тым, як адзначаецца ў матэрыяле, выказванне разыходзіцца з рыторыкай Трампа цягам апошняга года, калі ён публічна падаграваў канкурэнцыю за сваю прыхільнасць паміж Вэнсам і дзяржсакратаром Марка Рубіа.
Разам з тым шэсць іншых дарадцаў і саюзнікаў Трампа папярэдзілі, што яны не ўпэўненыя ў канчатковым выбары Вэнса, паказаўшы, што прэзідэнт ЗША агучвае розныя пазіцыі розным людзям і яшчэ можа перадумаць. Памочнікі Трампа, як піша газета, сыходзяцца ў меркаванні, што прэзідэнт адкладзе падтрымку, каб не выглядаць «кульгавай качкай».
Вэнс і Рубіа пакуль не заяўлялі пра намер удзельнічаць у прэзідэнцкай кампаніі. Рубіа ўжо балатаваўся ў 2016 годзе, але выйшаў з гонкі пасля паразы на праймерыз ад Трампа.
Наступныя прэзідэнцкія выбары ў ЗША пройдуць у лістападзе 2028 года.
Згодна з 22‑й папраўкай да Канстытуцыі ЗША, прынятай у 1951 годзе, знаходжанне на пасадзе прэзідэнта абмежавана двума тэрмінамі. Яна была прынята пасля таго, як Франклін Рузвельт чатыры разы выйграваў выбары.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
Рубіо крутой дзядзька за якога будуць галасаваць латынасы і каталікі.