Жыхар Бабруйска знайшоў у кватэры свайго дзядзькі антыкварную зброю
У Бабруйску 22‑гадовы мужчына звярнуўся ў міліцыю пасля таго, як знайшоў у кватэры свайго дзядзькі тры пісталеты і боепрыпасы. Высветлілася, што дзядзька доўгі час таемна захоўваў зброю як сямейную рэліквію, якая дасталася яму ў спадчыну ад дзеда, паведамляе Дзяржаўны камітэт судовых экспертыз.
Супрацоўнікі міліцыі агледзелі кватэру, канфіскавалі зброю і патроны, пасля чаго перадалі іх на судовую балістычную экспертызу ва ўпраўленне Дзяржаўнага камітэта судовых экспертыз па Магілёўскай вобласці.
Эксперты ўстанавілі, што ўсе тры пісталеты з'яўляюцца сапраўднай агнястрэльнай наразной зброяй заводскай вытворчасці і прыдатныя для стральбы. Гаворка ідзе пра 6, 35‑мм пісталет сістэмы Каровіна, 9‑мм нямецкі пісталет Borchardt-Luger (Parabellum P08) і 7, 65‑мм пісталет Mauser мадэлі 1914 года.
Два нямецкія пісталеты шырока выкарыстоўваліся падчас Другой сусветнай вайны. Пісталет Каровіна стаў першым серыйным савецкім самазарадным пісталетам, распрацаваным у 1926 годзе. Ён паступаў на ўзбраенне супрацоўнікаў НКВД СССР, каманднага складу Чырвонай арміі, а таксама дзяржаўных і партыйных работнікаў.
Нягледзячы на значны ўзрост, усе тры ўзоры добра захаваліся і засталіся спраўнымі. Акрамя таго, эксперты прызналі прыдатнымі для выкарыстання і сем канфіскаваных патронаў, якія таксама былі заводскай вытворчасці.
Па факце незаконнага захоўвання зброі праводзіцца праверка супрацоўнікамі Першамайскага раённага аддзела міліцыі Бабруйска.
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары