Грамадства2424

«Людзі стрыманыя, але не заўсёды добрыя». Барбер пераехаў з Крыма ў Мінск, але доўга не пратрымаўся і збег у Маскву

Барбер Данііл Лукічаў упэўнены: жыць у Беларусі можна толькі калі маеш дыстанцыйную працу — як у Тайландзе ці В'етнаме.

Данііл. Скрыншот відэа ў інстаграме

Данііл распавядае ў інстаграме, што на пераезд з Крыма ў Мінск наважыўся даволі хутка. Ён не верыць у тое, што рыхтавацца да міграцыі неабходна гадамі. Кажа, што сабраць рэчы і з’ехаць лёгка можа адным днём — так мужчына і зрабіў.

Калі Данііл чакаў свой цягнік у новую будучыню, ён нагугліў, што арэнда кватэр у Мінску дарагая, а патэнцыйныя зарплаты ў яго сферы ў разы менш, чым у Маскве.

«Шчыра кажучы, мяне гэта засмуціла яшчэ на вакзале, але квіткі вярнуць было ўжо немагчыма, бо гэта міжнародны рэйс. Але я не страціў надзею і рашыў паспрабаваць у любым выпадку, паглядзець гэтую краіну».

Агулам Беларусь Даніілу спадабалася, хоць ён і кажа, што сустракаў шмат і злых, і непрыемных асоб.

«Было такое адчуванне, што я прыехаў з Крыма ў Крым. Бо мала людзей, няма асабліва нейкай цісканіны, нейкай мітусні. Гэта значыць, усё спакойна. Але за гэтым спакоем хавалася тое, што працы ты там не знойдзеш».

Данііл лічыць, што Беларусь ператварылася ў Тайланд ці В'етнам, дзе можна няблага жыць, толькі калі маеш дыстанцыйную працу.

«Курс увесь час скача. З майго досведу лепш за ўсё разлічвацца карткай «Мір».

Барбер пачынае казаць нешта пра палітыку, але спыняецца на паўслове: «Не, наконт палітыкі нельга, бл**ь».

Ён адзначае, што ў Мінску даволі высокі ўзровень працы барбераў — нашмат вышэйшы, чым у Расіі (што яго прываблівала). Пры гэтым прайс яго засмуціў — кажа, сумна, што сапраўдныя прафесіяналы бяруць прыблізна ад 45 да 70 рублёў. За такія грошы мужчына працаваць не гатовы.

«Але большасць барбераў сядзяць на арэндзе крэсла і проста стрыгуць сваіх кліентаў. Знайсці нейкі больш-менш варты барбершоп я не здолеў».

У выніку Данііл вельмі хутка пераехаў у Маскву і гэтым выбарам задаволены, бо магчымасцяў значна больш.

Відэа завірусілася і выклікала дыскусію на сотні каментароў. Шмат хто пісаў, што Данііл хлусіць і працы ў краіне шмат — «усюды рук бракуе». Іншыя пагаджаюцца: працы валам, але заробкі прапаноўваюць жабрацкія.

Вядома, не абышлося без меркаванняў, што ў Мінску $1000 не зарабляе толькі гультай.

Нехта падтрымаў барбера: «Вы слушна разважаеце. Па факце, жыць там няпроста. Многія паддаліся хвалі хайпу вакол Беларусі і задумаліся пра пераезд, але далёка не кожны зможа вытрымаць такое жыццё з нізкімі заробкамі, кліматам як у Пецярбургу ці Лондане, са шквалістымі вятрамі і вечным холадам. Правільна вам напісалі і пра менталітэт. Многім, хто прыязджае, часам маральна цяжка з такой свабодай нораваў, хоць я сама нармальна да гэтага стаўлюся, мяне нават гэта не пакрыўдзіла. Людзей таксама не варта ідэалізаваць. Яны проста стрыманыя, але не заўсёды добрыя».

Каментары24

  • Торбьёрн
    23.08.2026
    Торвальд, поляков тоже тут не ждут.
  • Ёсік
    23.08.2026
    Камусьці цісканіна, мітусьня даспадобы? Двіжуха за Смаленскам.
  • 123
    23.08.2026
    Зараз аб яго тупасці ведаюць не толькі бацькі

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Перамовы Трампа, Пуціна і Сі працягваліся паўтары гадзіны

У пяць разоў вырасла колькасць скаргаў, якія стаў задавальняць Вярхоўны суд. Лукашэнка спытаў, што адбываецца6

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць